У
вершаванай форме склаў Аляксей Якімовіч
Вершаваныя народныя прыказкі
і прымаўкі
(рознае)
Раз кветак не было,
То і яблыкаў не чакай.
На жывым мядзведзі
Скуры не купляй.
З коньмі робячы,
Пугі не забываюць.
З чужога каня
І ў гразі ссядаюць.
Людзям часам
І мурашка здаецца за каня.
Маленькі сабачка
Давеку шчаня.
Вялікага дуба
З малым карэннем не бывае.
На адным месцы
І камень абрастае.
Старое дзярэцца --
На новае спадзяецца.
Каму баліць --
І за гарачы камень бярэцца.
Даводзіцца знайсці,
Даводзіцца і згубіць.
Воўка выпусціўшы,
Цяжка злавіць.
З аднаго палена
Агню не раскладаюць.
Бяда людзям,
Як палі зарастаюць [1, с. 201 --
275].
2022 год
Выкарыстаная літаратура
1. Беларускія прыказкі, прымаўкі, фразеалагізмы / склаў Ф. Янкоўскі. – 2-е выд., дап. --
Мінск : Выд-ва АН БССР, 1962. – 556 с.