Руска-беларускі слоўнік на літару “Г”

 

Руска-беларускі слоўнік на літару “Г”

 

Перакладзіце на беларускую мову.

1. Гадить.

2. Галантный.

3. Галиматья. 

4. Галстук.

5. Гасить.

6. Гвоздь.                                                                            

7. Где-либо.    

8. Главарь.

9. Глазёнки.

10. Глодать.

11. Глотнуть.                                                  

12. Глыба.                                                                                  

13. Гнёт.

14. Говор.

15. Голенище.

16. Головня.  

17. Голубой.

18. Гордец. 

19. Горсть.

20. Грамотность.

 

У  ДАПАМОГУ.

Словы, запісаныя па-беларуску. Выберыце патрэбныя для перакладу.

А) пісьменнасць; б) ганарлівец; в) галавешка; г) гаворка, гамонка; гоман; д) камлыга, глыба; е) грызці; ё) верхавод, завадатар; ж) цвік; з) гальштук; і) галантны, далікатны; й) жменя; к) блакітны; л) халява; м) цяжар; прыгнёт, уціск; рубель; н) глынуць; у) вачаняты, вочкі; п) дзе-небудзь; р) тушыць; с) лухта, бяссэнсіца, бязглуздзіца; т) гадзіць, паскудзіць.

Ведайце!

Гаворка, гамонка – пра размову, гоман – гэта шум, гул.

Прыгнёт, уціск – калі-хтосьці пануе, гаспадарыць над кім-небудзь, рубель – жэрдка, якою прыціскалі сена, салому, снапы, везучы іх на возе.

 

Адказы (выкарыстоўвайце толькі для кантролю). 1 т. 2 і. 3 с. 4 з. 5 р. 6 ж. 7 п. 8 ё. 9 у. 10 е. 11 н. 12 д. 13 м. 14 г. 15 л. 16 в. 17 к. 18 б. 19 й. 20 а. 

 

1. Выкарыстаўшы запісаныя гукі, прачытайце слова:

[дз′] [э] -[н′] [э ] [б] [у] [ц′].

2. З двух прапанаваных у дужках варыянтаў выберыце той, які падыходзіць да першага слова па сэнсе.

Гоман (соснаў, гараджан).

Пад цяжарам (надвор’я, лёсу).

Камлыга (вішняў, снегу).

3. З двух беларускіх слоў, перакладзеных вамі, вазьміце па адным складзе і ўтварыце наступныя: палі, хаты, рука.

 

Скорагаворкі

 

Пагрузілі на воз сена і прыціснулі яго рублём (Аляксей Якімовіч).

Бусел ведае, што ў жабы няма жмені (Аляксей Якімовіч).

• Паспрабуйце паўтарыць хутка і выразна.

 

Верш

 

                                              Без цвікоў не абысціся.

                                              Цвікі нам дапамагаюць.

                                              Калі ў дошкі забіваем,

                                              То надзейна іх трымаюць.

                                                      Аляксей Якімовіч.

Ведайце!

Гук [ц′] у словах  “цвікоў”, “абысціся” вымаўляецца мякка. Чаму так? Падумайце.

 

Адказы (выкарыстоўвайце толькі для кантролю; словы напісаны наадварот). 1. Ьздубен-езд. 2. Ўансос; усёл; угенс.  3. Цевілранаг, ьціздуксап; авялах, ытяначав; ьлебур, акроваг.