Спадніца: доўгая ці кароткая?
• Якая спадніца вам больш падабаецца: доўгая ці кароткая?
Такое пытанне задаў нашым чытачам.
Ніна, 56 гадоў.
-- Сама калісьці насіла кароткую
спадніцу. І гэта мне вельмі падабалася. А цяпер, у маім узросце, яе насіць не
будзеш. Трэба выбіраць іншую, больш доўгую. Так што тая спадніца, якую
выбіраеш, каб адзець, залежыць ад узросту.
Максім, 25 гадоў.
-- Прыемна паглядзець на дзяўчат, якія
ходзяць у кароткіх спадніцах. Але трэба, каб яны былі не звышкароткімі. На ўсё
трэба мець меру.
Пятрусь, 30 гадоў.
-- Хто як хоча, няхай так і ходзіць.
Чалавек павінен быць вольным, як птушка ў палёце. Менавіта гэта дазваляе жыць
вольна, без комплексу.
Галя, 19 гадоў.
-- Мне вельмі падабаюцца кароткія
спадніцы. Яны ўпрыгожваюць мяне, маю фігуру. А ці падыдзе кароткая спадніца
таму, у каго фігура не надта прыгожая? Такому чалавеку я параіла б: перш чым
надзець яе, сем разоў падумай.
Марыя, 41 год.
-- Канешне, усе мы хочам жыць
разняволена. Але трэба захоўваць і тыя традыцыі, якія некалі былі ў нас, у
Беларусі. Раней беларускія жанчыны хадзілі ў доўгіх спадніцах. І ад гэтага яны
не адчувалі сябе нейкімі закамплексаванымі. Танчылі на вячорках, спявалі песні,
весяліліся як маглі. Яны былі сапраўднымі беларускамі. Думаю, што нашы
беларускія мужчыны за гэта іх паважалі і цанілі, верылі, што такая не
здрадзіць, не падвядзе.
Сяргей, 25 гадоў.
-- Чаму многія дзяўчаты носяць кароткія
спадніцы? Думаю, што яны хочуць, каб мы, хлопцы, заўважылі іх, не прайшлі міма.
Няхай будзе так.
Сцяпан, 29 гадоў.
-- Многія дзяўчаты і ў доўгіх спадніцах
звяртаюць на сябе ўвагу, выдзяляюцца сярод тых, што ходзяць у нагавіцах і кароткіх
спадніцах.
Аксана, 17 гадоў.
-- Час не стаіць на месцы. Мы павінны
крочыць разам з часам, не адставаць ад яго, прыстасоўвацца да той моды, якая
ёсць, якая з’яўляецца.
• А як лічыце Вы, нашы шаноўныя чытачы?
