Водгукі чытачоў на маю кнігу “Загадкавы храм”
Якімовіч, А. М. Загадкавы храм :
дэтэктыўная аповесць, вершы, прыпеўкі.
Кніга выдадзена ў выдавецтве “Беларусь”. Для шырокага
кола чытачоў.
Яе можна заказаць у аддзеле
маркетынга выдавецтва.
Звярнуўся да наведвальнікаў блога з просьбай выказаць
свае меркаванні пра маю кнігу “Загадкавы храм”. Вось якія водгукі яны мне
прыслалі.
Васіль.
-- Назвы раздзелаў аповесці – своеасаблівыя масткі, якія
звязваюць асобныя эпізоды твора, ствараючы яго кампазіцыю. Гэта, лічу,
арыгінальная задума аўтара.
Святлана.
-- Цікавая
аповесць, увесь час трымае ў напружанасці чытача. Не ведаеш, што можа адбыцца з
героямі. Разгадка прыходзіць разам з новай старонкай твора.
Ніна.
-- Вобразы аповесці яркія, пераканаўчыя і непаўторныя. У
кожнага свой характар, свой знешні і ўнутраны воблік.
Вікторыя.
-- Мне было цікава
назіраць, як разгараецца каханне паміж Андрэем і Верай. Вельмі суперажывала,
назіраючы за імі. Думаю, што многім з нас не хапае такіх светлых і яркіх
пачуццяў. Скажу шчыра: крыху пазайздросціла Андрэю і Веры. Што ж, і такое
бывае.
Марына.
-- Пасяліўшыся ў будынку, якія некалі быў храмам, героі
аповесці Менкін і яго жонка Святлана адчуваюць сябе на вяршыні шчасця. Але
неўзабаве яны, па сутнасці, падаюць з гэтай вяршыні. Пераступіўшы праз нормы
маралі, яны заслужылі такое падзенне.
Максім.
-- Мяне зацікавілі не толькі раздзелы аповесці, але і
вершы, змешчаныя ў кнізе. Многія з іх наводзяць на роздум, як кажуць,
запрашаюць думаць.
Мікалай.
-- Вершы добрыя, прыгожыя, душэўныя. З цікавасцю прачытаў
іх. Няхай аўтар піша далей.
Творчае
заданне
Перад вамі – назвы некаторых раздзелаў з кнігі “Загадкавы
храм”. Падбярыце да іх словы, якія рыфмуюцца з гэтымі назвамі. Калі назва
складаецца з двух альбо трох слоў, падбірайце рыфмаванае слова да апошняга,
паставіўшы яго ў назоўным склоне. Напамінаю: назоўны склон адказвае на пытанні
х т о? ш т о?
1. Прапанова.
2. Пад падпіску.
3. Як храм стаў хатай.
4. На прыродзе.
5. Парада.
6. У адзіноце.
7. Пад коламмі легкавушкі.
Адказы (выкарыстоўвайце толькі для кантролю; напісаны ў адваротным парадку і
не супадаюць з размяшчэннем назваў раздзелаў): атявс, акшутп, аксім, атолаб,
адардз, авонса, адогз.
Шмат
загадак у гэтай кнізе.
Мы іх зможам разгадаць,
Калі будзем па парадку
У вольны час яе чытаць.
Аляксей Якімовіч
На пагорку высокім
Узвышаецца храм.
Мы сям’ёй туды прыйдзем
І памолімся там.
Аляксей Якімовіч
