Экспертыза “Нараджэнне дзіцяці”
Мая знаёмая Таццяна нядаўна заявіла, што
радзіць трэба ў больш сталым узросце, закончыўшы навучальную ўстанову і
некалькі гадоў папрацаваўшы.
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Ганна. Згодна з Таццянай.
Спачатку трэба рэалізаваць сябе, свае магчымасці, зрабіць пэўную кар’еру, а ўжо
потым падумаць пра нараджэнне дзяцей.
Эксперт Рыгор. А ці падумала Таццяна як
след пра сваіх дзяцей? Яны народзяцца, потым будуць падрастаць і, канешне,
будуць любавацца маладой, прыгожай мамай. А на знясіленую працай цётку ў гадах
ім не вельмі захочацца глядзець.
Эксперт Ніна. З гадамі, як вядома,
прыходзіць вопыт, а разам з ім і розум. Трэба не толькі нарадзіць, але і
выхаваць дзяцей, каб яны потым не наракалі на свой лёс. Думаю, што сталыя мамы
зробяць гэта больш паспяхова.
Эксперт Галіна. Дзяцей трэба любіць,
хацець, каб яны былі. Думаю, што ў Таццяны не з’явілася такое жаданне. Магчыма,
яно не з’явіцца ў яе зусім. І тады праз нейкі час яна горка пашкадуе,
застаўшыся адзінокай.
• А як да гэтай сітуацыі адносіцеся Вы, нашы чытачы?
