Поиск по этому блогу

Сінонімы са словам крычаць

 

Сінонімы са словам крычаць

 

Помніце! Сінонімамі з’яўляюцца словы, аднолькавыя або блізкія па значэнні.

 

Звярніце ўвагу на тое, як пішацца слова: крычаць.

 

Да якой часціны мовы адносіцца слова крычаць?

Д л я  д а в е д к і: адказвае на пытанне ш т о  р а б і ц ь?

 

Сінонімы да слова крычаць (адно слова тут “лішняе”).

Гукаць, енчыць, гарлапаніць, гарланіць, размаўляць, галёкаць, раўці, верашчаць.

Якія з гэтых слоў, як вы лічыце, а) аднолькавыя па значэнні; б) блізкія па значэнні?

 

Эксперт Змітрок.

-- Сінонімы енчыць, верашчаць, як мне здаецца, розныя па значэнні. Енчыць можа ўжывацца ў значэнні надакучаць. Той, хто верашчыць, даведзены да больш высокай ступені адчаю.

 

Эксперт Насця.

-- Сінонімы крычаць, гукаць, так лічу, складаюць яшчэ адну групу блізкіх па значэнні слоў. Гукаць – значыць клікаць кагосьці, а крычаць можа ўжывацца ў значэнні насварыцца на каго-небудзь за нейкую правіну.

 

Эксперт Алеся.

-- Сінонімы галёкаць, раўці складаюць групу блізкіх па значэнні слоў. Галёкаць – моцна крычаць, а раўці – яшчэ мацней крычаць.

 

А як лічыце Вы, нашы шаноўныя чытачы?

 

Прачытайце. Выберыце з дужак патрэбны сінонім.

1. Мы доўга (гукалі, раўлі), клікалі Сымона. 2. Сымонаў сябар усю дарогу скардзіўся, (галёкаў, енчыў). 3. Сымон (заверашчаў, крыкнуў), паведаміў, што знаходзіцца непадалёку.

 

Ці з’яўляюцца сінонімамі словы крычаць і дзерціся? Як вы лічыце?

 

Выкарыстоўвайце толькі для кантролю, каб праверыць сябе

 

Д л я  д а в е д к і (словы-адказы напісаны наадварот).

Гэта ўолсяезд; “лішняе” слова  ьцялўамзар (не з’яўляецца сінонімам); 1 – ілакуг, 2 – ўычне, 3 -- ўункырк; аццюялўя’з. 

                                                              Распрацаваў Аляксей Якімовіч