Вывучаем родны край. Гродзеншчына-1

 

Вывучаем родны край. Гродзеншчына-1

 

Адгадайце назвы гарадоў – раённых цэнтраў Гродзеншчыны.

 

Для даведкі.

1. У назве гэтага горада:

 а) шэсць зычных літар і пяць галосных, адна з якіх паўтараецца тры разы;

б) пяць складоў;

в) заканчваецца на першую літару алфавіта;

г) рыфмуецца са словамі “сініца”, “святліца”;

д) з яго літар можна пабудаваць слова “раса”;

е) як назоўнік, адносіцца да жаночага роду, яго можна замяніць словам “яна”;

ё) першая літара такая ж, як і ў мужчынскім імені: ..арыс.

• Устаўце яе замест кропак.

Яго герб

2. У назве гэтага горада:

 а) шэсць зычных літар (адна ў нескладовае) і тры галосныя, адна з якіх паўтараецца два разы;

б) тры склады;

в) заканчваецца на дванаццатую літару алфавіта;

г) рыфмуецца са словам “дыск”;

д) з яго літар можна пабудаваць слова “кава”;

е) як назоўнік, адносіцца да мужчынскага роду, яго можна замяніць словам “ён”;

ё) першая літара такая ж, як і ў жаночым імені: ..ера.

• Устаўце яе замест кропак.

 Яго герб

3. У назве гэтага горада:

 а) чатыры зычныя літары (першая паўтараецца два разы) і чатыры галосныя, адна з якіх паўтараецца тры разы;

б) чатыры склады;

в) заканчваецца на першую літару алфавіта;

г) усе зычныя цвёрдыя;

д) з яго літар можна пабудаваць слова “нара”;

е) як назоўнік, адносіцца да ніякага роду, яго можна замяніць словам “яно”;

ё) першая літара такая ж, як і ў мужчынскім імені: ..асіль.

• Устаўце яе замест кропак.

Яго герб

4. У назве гэтага горада:

 а) дзве цвёрдыя зычныя і адна мяккая, дзве галосныя;

б) два склады;

в) заканчваецца на першую літару алфавіта;

г) ёсць мяккі знак, які абазначае мяккасць зычнай у сярэдзіне слова;

д) з яго літар можна пабудаваць слова “вал”;

е) як назоўнік, адносіцца да жаночага роду, яго можна замяніць словам “яна”;

ё) першая літара такая ж, як і ў жаночым імені: ..іна.

• Устаўце яе замест кропак.

 Яго герб

Адказы: (выкарыстоўвайце толькі для кантролю; словы напісаны з малой літары, наадварот; іх парадак зменены): ксывакўав, авьлэз, аціватсареб, аванаров.

 

Залатое слова майго роду: напрадвесні -- незадоўга да вясны. Пра гэта гаворыць і частка слова –весн-.

Сінанімічны выраз: перад вясною.