Гэты дзіўны беларускі свет. Вяселле.
Калі чую слова “вяселле”, то…
бачу,
як на вазах у вёску едуць вясельнікі, тыя людзі, якія з’яўляюцца ўдзельнікамі
вяселля. Вазы і вобруці коней упрыгожаныя кветкамі, рознакаляровымі стужкамі і
зялёнымі галінкамі. На дугах вісяць бразготкі. Іграе гармонік. Мы, хлапчукі,
здалёку сустракаем вясельны абоз. Вяселле – цікавая і незвычайная падзея для
вёскі.
• Што ўяўляеце Вы, калі чуеце
слова “вяселле”?
• Падбярыце блізкае па значэнні
слова да назоўніка бразготкі.
Вяселле.
1. Які фанетычны закон, характэрны для беларускай мовы,
можна адзначыць у слове “вяселле”?
• У якім
складзе перад націскам пішацца я?
2. Складзіце словазлучэнне са
словам “вяселле”, выкарыстаўшы галоўнае і залежнае словы.
Помніце! Ад галоўнага слова да залежнага можна паставіць пытанне.
3. Складзіце сказ, выкарыстаўшы наступныя словы: навакольных, многіх, з,
вёсак, сваякі, вяселле, на,
з’язджаліся, і, гаспадыні, гаспадара.
4. Жаніха называлі
маладым, а нявесту – маладой.
• Ці
правільным будзе такое тлумачэнне?
5.
Коні мчацца па дарозе,
На вазах цяснота.
Убачыўшы вяселле,
Тулімся да плота.
Аляксей Якімовіч.
• Падбярыце блізкае па значэнні
слова да назоўніка цяснота.
Шафер
– гэта:
а)
запрошаны на вяселле сябар маладога;
б)
запрошаны на вяселле брат маладога.
Шаферка
– гэта:
а)
запрошаная на вяселле сястра маладой;
б)
запрошаная на вяселле сяброўка маладой.
• Выберыце патрэбнае.
Скорагаворка.
Вяселле пачалося ў восем гадзін вечара.
• Паспрабуйце
паўтарыць хутка і выразна.
Беларускі свет – гэта:
а) словы беларускай мовы;
б) беларускія народныя песні;
в) песні народаў свету;
г) эстрадныя песні на беларускай мове;
д) эстрадныя песні на мовах народаў свету;
е) мастацкая літаратура на беларускай мове;
ё) мастацкая літаратура на мовах народаў свету;
ж) установы адукацыі на беларускай мове;
з) установы адукацыі на мовах народаў свету;
і) праўдзівая гісторыя краіны;
к) гісторыя краіны;
л) афармленне на вуліцах і ў будынках на беларускай мове;
м) афармленне на вуліцах і ў будынках на мовах народаў
свету;
н) маліцца на беларускай мове;
о) маліцца на мовах народаў свету.
• Выберыце
тое, што адпавядае Вашаму разуменню.
Словы беларускія,
Я да вас тулюся,
Размаўляю з вамі,
Думкамі дзялюся.
Словы беларускія,
Продкі вас стваралі,
Каб у кожнай хаце
Прыгожа гучалі.
Аляксей Якімовіч.
Адказы (выкарыстоўвайце толькі для кантролю; словы напісаны наадварот).
Ікчонавз.
1. Еннакя; мышреп у. 2. Еллесяв еатагаб. 4. Кат. 5.
Атансец.
5а; 5б.
