Гульня
“Мэбля”
• Адгадайце,
якая гэта мэбля.
Гэта назоўнік. Ён мае наступныя марфалагічныя прыметы
(раздзел “Марфалогія” вывучае словы як часціны мовы):
а) неадушаўлёны;
б) агульны;
в) канкрэтны;
г) 1-га скланення;
д) жаночага роду.
Фанетычныя прыметы (раздзел “Фанетыка” вывучае гукі мовы
і іх спалучэнні):
а) падзяляецца на 2 склады;
б) мае 4 літары і 4 гукі (два зычныя і два галосныя);
в) пачынаецца з 27-й літары алфавіта.
Акцэнталагічная прымета (націск у слове):
а) націск падае на першы склад.
З гэтым назоўнікам можа рыфмавацца слова графа.
• Адгадайце,
якая гэта мэбля.
Гэта назоўнік. Ён мае наступныя марфалагічныя прыметы:
а) неадушаўлёны;
б) агульны;
в) канкрэтны;
г) 2-га скланення;
д) мужчынскага роду.
Фанетычныя прыметы:
а) падзяляецца на 2 склады;
б) мае 5 літар і 5 гукаў (тры зычныя і два галосныя);
в) пачынаецца з 13 літары алфавіта.
Акцэнталагічная прымета (націск у слове):
а) націск падае на першы склад.
З гэтым назоўнікам могуць рыфмавацца словы парожак, ножак.
А д к а з.
Патрэбныя назоўнікі (назвы мэблі) можна знайсці сярод
наступных “зашыфраваных” слоў: парожакстажокшафаакулярыложаклекіграфаножак
• Вы
знайшлі патрэбныя назоўнікі – назвы мэблі? Падбярыце да іх тыя (новыя) словы, з
якімі яны рыфмуюцца.
• Выкарыстаўшы
ўзор, растлумачце лексічнае значэнне (раздзел “Лексіка” вывучае словы, іх
значэнне) вызначаных назоўнікаў (назваў мэблі).
У з о р.
Хата – памяшканне, прызначае для пражывання людзей.
• З літар
або гукаў вызначаных назоўнікаў (назваў мэблі) пабудуйце новыя беларускія словы.
А д к а з.
Новае беларускае слова можна знайсці сярод наступных
“зашыфраваных” слоў: пясокракакашакуствясна.
Распрацаваў Аляксей Якімовіч