Адкіньце непатрэбнае.
Дбайнасць і…
Ёсць розныя рысы чалавечага характару. Людзі па-рознаму
адносяцца да іх, некаторыя нават не заўважаюць, лічаць нормай свайго жыцця. А
ці так гэта? Давайце падумаем, паразважаем, выконваючы некаторыя заданні.
• Прачытайце,
якія могуць быць рысы нашага характару.
1. Уменне даць параду.
2. Дбайнасць (клапатлівасць, стараннасць)..
3. Неахайнасць.
4. Розум.
5. Няўдзячнасць.
6. Індывідуалізм.
7. Асцярожнасць.
• Прачытайце
народныя прыказкі і прымаўкі. Якой рысе характару, з прыведзеных вышэй,
адпавядае кожная з іх? Як вы лічыце?
А). Ён і сабе рад на год раз.
Б). Ехаўшы бачком, ні з кім не зачэпішся.
В). Благі абразіць,
а добры разважыць ды яшчэ і парадзіць.
Г). У ладным
адзенні, а бруд – аж блішчыць.
Д). Есць і п’е, а дабра не думае.
Е). Гаспадарлівы ні сцюжы, ні спёкі не баіцца.
Ё). Бачыць вока далёка, а розум яшчэ далей [1, стар. 86,
99, 160, 303, 344].
• Адкіньце
тыя рысы характару, тыя заганы
(кепскае) і хібы, якія, на вашу думку, перашкаджаюць вам жыць. Пазбаўцеся ад
іх.
Па дарожцы роўненькай
Упэўнена ступайце.
Нядобрыя заганы
У душу не пускайце.
Аляксей Якімовіч.
Скорагаворка
Сваволя да дабра не даводзіць (Аляксей
Якімовіч).
• Паспрабуйце паўтарыць хутка і
выразна.
• Падбярыце
блізкія па значэнні словы да назоўніка сваволя,
да дзеяслова адгадзіць.
Адказы (выкарыстоўвайце толькі для кантролю; словы напісаны наадварот): 2Е, 1В,
7Б, 4Ё, 6А, 3Г, 5Д.
Автснямхулсапен;
гўод ьцунряв, ьцыжулсда.
Выкарыстаная
літаратура
1. Беларускія прыказкі, прымаўкі,
фразеалагізмы / склаў Ф. Янкоўскі. – 2-е
выд., дап. -- Мінск : Выд-ва АН БССР, 1962. – 556 с.
