Поиск по этому блогу

Верш «Успамін»

 

                                                                                                          Аляксей Якімовіч

 

Верш «Успамін»

(дадзены ў скарачэнні)

 

                                                               Сонца на усходзе

                                                               Косы распускае,

                                                               Лашчыць маю вёску,

                                                               Ярка асвятляе.

 

                                                               Вёсачка, вёсачка,

                                                               Ты мяне люляла,

                                                               Песні беларускія

                                                               З мамаю спявала.

 

                                                                Помню я бярозкі,

                                                                Што беглі ля дарогі

                                                                І травіцу помню,

                                                                Як лашчыла ногі.

 

                                                                Помню, як чаромха

                                                                Пахам сустракала,

                                                                І зорачку помню,

                                                                Што над вёскай ззяла.

 

                                                                  Цешыў салавейка

                                                                  Вясною ля крыніцы,

                                                                  Зімою віталі

                                                                  Ружовыя сініцы.

 

                                                                  Помню іх мелодыі,

                                                                  Помню галасы.

                                                                  Помню, як шапталі

                                                                  З ветрам каласы.

 

                                                                  Помню наша поле

                                                                  І лужок зялёны,

                                                                  Помню: частавалі

                                                                  Мяне сокам клёны.

 

                                                                  Вёсачка паіла

                                                                  Цёплым малаком,

                                                                  Берагла, як пана,

                                                                  Вечарам і днём.

 

                                                                  Вёсачка, вёсачка,

                                                                  Ты мяне люляла,

                                                                  Песні беларускія

                                                                  Ад душы спявала.

Цалкам верш надрукаваны ў кнізе “Белакрылая птушка” (аповесці і вершы), якая ў лютым 2022 года выйшла ў выдавецтве “Беларусь”