Марфалагічная
гульня “Лічэбнік з пазычаных складоў”
З пазычаных
складоў.
1. Прачытайце словы. Вазьміце па аднаму складу з кожнага
і ўтварыце колькасны лічэбнік.
Косяць, дзеканне.
Помніце! Лічэбнікі, якія абазначаюць лік або колькасць прадметаў, называюцца
колькаснымі: тры, тры сталы.
З пазычаных
складоў.
2. Прачытайце словы. Вазьміце па аднаму складу з кожнага
і ўтварыце просты лічэбнік.
Сем’янін, вораг.
Помніце! Простымі з’яўляюцца лічэбнікі, якія маюць адзін корань (аднакаранёвыя):
пяць.
З пазычаных складоў.
3. Прачытайце словы. Вазьміце па аднаму складу з кожнага
і ўтварыце складаны лічэбнік.
Стаміўся, вытры.
Помніце! Складанымі з’яўляюцца лічэбнікі, якія маюць два корані (двухкаранёвыя):
пяцьдзесят.
З пазычаных
складоў.
4. Прачытайце словы. Вазьміце па аднаму складу з кожнага
і ўтварыце састаўны лічэбнік.
Сточаны, просяць, дзеянне.
Помніце! Састаўнымі з’яўляюцца лічэбнікі, якія маюць некалькі слоў: дваццаць
пяць.
З пазычаных
складоў.
5. Прачытайце словы. Вазьміце па аднаму складу з кожнага
і ўтварыце дробавы лічэбнік.
Трымаць, ягада, пярэсты, тычына.
Помніце! Дробавыя лічэбнікі абазначаюць частку цэлых лікаў (дзве чацвёртыя) або
цэлы лік разам з часткай (дзве цэлыя і тры чацвёртыя).
З пазычаных
складоў.
6. Прачытайце словы. Вазьміце па аднаму складу з кожнага
і ўтварыце зборны лічэбнік.
Шасценне, вырашыць, цётачка.
Помніце! Зборныя лічэбнікі абазначаюць не раздзельную множнасць прадметаў, якія
пералічваюць, а іх сукупнасць.
Да
зборных адносяцца наступныя лічэбнікі: двое, трое, чацвёра, пяцёра, шасцёра,
сямёра, васьмёра, дзевяцера, дзесяцера.
З пазычаных
складоў.
7. Прачытайце словы. Вазьміце па аднаму складу з кожнага
і ўтварыце парадкавы лічэбнік.
Мільганне, конны, батальён.
Помніце! Лічэбнікі, якія паказваюць на парадак лічэння прадметаў, называюцца
парадкавымі: трэці стол.
Для кантролю
(лічэбнікі тут запісаны не ў тым парадку, які дадзены вышэй). Выкарыстоўвайце
толькі, каб праверыць сябе.
трыстадзесяцьшасцёравосеммільённыстодзесяцьтрыпятыя
Тут
патрэбныя лічэбнікі напісаны наадварот
1. Ьцясезд. 2. Месов. 3. Атсырт. 4. Отс ьцясезд. 5. Ырт яытяп. 6. Арёцсаш. 7. Ыннёьлім.
Склаў Аляксей Якімовіч
