Бадзячыя каты
Скардзіцца Валянціна.
-- Па суседству з намі жыў дзядуля ў
гадах, трымаў катоў. Два гады таму дачка забрала яго да сябе ў горад. Каты
распладзіліся. Іх стала шмат. Яны бадзяюцца па вёсцы (а яна амаль абязлюдзела)
галодныя, недагледжаныя, зграямі ідуць да мяне, мяўкаюць, просяць есці. Неяк ім
дапамагаю, нешта даю. Але ж мае магчымасці не гумовыя. Я звычайны чалавек, не
бізнесмен, не алігарх.
Што мне параіце?
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Антось.
-- Валянціна, табе трэба завезці гэтых
катоў у горад, да дзядулі. Ён іх развёў. Няхай і глядзіць.
Эксперт Алена.
-- Каты адзічалі. Валянціна не зможа іх
палавіць. Дый дзядуля не дурань: з гэтымі катамі не пусціць яе ў кватэру.
Эксперт Міхась.
-- Ёсць спецыяльныя службы, якія ловяць
бадзячых сабак, катоў. Валянціне неабходна тэрмінова звярнуцца туды і папрасіць
дапамогі.
Эксперт Зіна.
-- Як я разумею, людзі ў той вёсцы яшчэ
засталіся. Трэба сустрэцца з імі і разам параіцца, што рабіць.
• А як да гэтай сітуацыі адносіцеся Вы, нашы чытачы?