Для цікаўных. Восень-гаспадыня
Нагадаем! Эпітэт – гэта мастацкае азначэнне.
Ён звычайна адказвае на пытанне прыметніка: я
к і ? Напрыклад: брыльянцістая раса. Эпітэт брыльянцістая.
Эпітэтамі могуць быць
прыдаткі – азначэнні, выражаныя назоўнікамі. З азначаемым словам яны стаяць у
тым жа родзе, ліку і склоне. Напрыклад: дуб-велікан. Эпітэт велікан.
Пытанне задае Максім.
-- У спалучэнні восень-гаспадыня выкарыстаны эпітэт гаспадыня, які стварае малюнак восені. Якой вы ўяўляеце гэту восень?
Эксперт Іна.
-- Думаю, што гэта не першы месяц
восені. Магчыма, другі ці трэці, самы апошні, калі людзі працуюць на полі, у
агародзе, збіраючы багаты ўраджай.
Эксперт Аляксей.
-- А мне здаецца, што гэта толькі
пачатак восені. Я ўяўляю каласістае поле, бачу на градках паласатыя гарбузы,
чырвоныя памідоры, якія ўпрыгожваюць агарод, цешаць гаспадара і гаспадыню.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Восень-гаспадыня
Ураджай збірае.
Людзям працавітым
Яна дагаджае.
Аляксей Якімовіч.
Нітка-павуцінка
Пытанне задае Максім.
-- У спалучэнні нітка-павуцінка выкарыстаны эпітэт нітка, які паведамляе нам пра якасць павуцінкі. Які малюнак бачыце
вы?
Эксперт Іна.
-- Непаўторная, залатая восень, цуд
нашай прыроды. Свеціць цёплае сонца, у паветры павольна ляцяць тонкія
павуцінкі. І самой хочацца паляцець удалечыню насустрач добраму шчасцю.
Эксперт Аляксей.
-- Восень цёплая, шчодрая. Шмат людзей
не толькі на вуліцах, але і ў лесе, дзе іх сустракаюць пругкія, стройныя
баравічкі, рыжыя лісічкі. А вакол сонца, шмат сонца. Яно аддае цяпло людзям,
прыродзе.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Трапечацца на сонцы,
Нітка-павуцінка.
Яе не пускае
Тонкая асінка.
Аляксей Якімовіч
