Гульня “Ад старту да фінішу разам з устаўнымі канструкцыямі”
• Каб паспяхова дабрацца да фінішу, выканайце заданні да тэмы “Устаўныя
канструкцыі”.
• Вось што ўстаўныя
канструкцыі паведамляюць пра сябе:
У сказ нас устаўляюць.
У
ім штосьці дапаўняем.
І
сказамі, і словамі
У
тым сказе мы бываем.
Аляксей Якімовіч.
Успамінаем.
Устаўныя канструкцыі – словы, словазлучэнні,
сказы. Яны дапаўняюць, паясняюць, удакладняюць змест сказа альбо асобных яго
членаў.
• Сказы, прапанаваныя для гульні (паставіўшы
прапушчаныя знакі прыпынку, выберыце патрэбны з прапанаваных).
Устаўное
слова
1. Міна праляцела
над траншэяй пералёт! і разарвалася непадалёку ў густых кустах (Аляксей Якімовіч). У
густых кустах з самай раніцы шчабяталі птушкі (Аляксей Якімовіч).
Устаўное
спалучэнне слоў
2. Мне падабаюцца не толькі вершаваныя, але і
празаічныя творы Якуба Коласа (Аляксей Якімовіч). Якуб Колас Канстанцін Міхайлавіч Міцкевіч
працаваў настаўнікам на Палессі ў вёсках Люсіна і Пінкавічы (Аляксей Якімовіч).
Устаўны
сказ
3. Нядаўна ў маёй
вёсцы ўсе дружна адзначалі Купалле – прыгожае
старажытнае свята нашых продкаў (Аляксей
Якімовіч). У дзяцінстве я разам з
мамай і братам здаецца, гэта было зусім нядаўна часта хадзіў у лес, каб
назбіраць там грыбоў, ягадаў (Аляксей Якімовіч).
• Якія словы тут рыфмуюцца?
1. Спалучэнне з устаўной
канструкцыяй я (прызнаюся вам) узяў
Рыфмуецца з такім
жа спалучэннем ён (так
здарылася) п..
.
2. Спалучэнне з устаўной
канструкцыяй вішні (усе
маладыя!) расцвіталі
Рыфмуецца з такім
жа спалучэннем песні (усе
беларускія!) на сцэне гучалі.. .
3. Спалучэнне з устаўной
канструкцыяй Алесь (Аляксандр Міхайлавіч)
Адамовіч.
Рыфмуецца з такім
жа спалучэннем Кандрат Крапіва
(Кандрат Кандратавіч А..).
4. Спалучэнне з устаўной
канструкцыяй смех (гэта ведае кожны) настрой
паднімае
Рыфмуецца з такім
жа спалучэннем шчырая гутарка
(так многія лічаць) з.. .
5. Спалучэнне з устаўной
канструкцыяй мама прыйшла (нарэшце!) і павіншавала
Рыфмуецца з такім
жа спалучэннем густая трава
(атава) на сонцы заззяла.. .
6. Спалучэнне з устаўной
канструкцыяй мы (гэта было
ўчора) грыбы збіралі
Рыфмуецца з такім
жа спалучэннем дрэўцы – іх было тры – дружна п.. .
• Адказы да задання “Сказы, прапанаваныя для гульні” (выкарыстоўвайце толькі для кантролю): 1, 2, 2.
• Адказы да вершаванага тэксту (выкарыстоўвайце толькі для кантролю; напісана наадварот апошняе слова сказа): ўапсарп,
ілачуг, чівохартА, еажілбз, аляззаз, ілатсардап.
Распрацаваў Аляксей Якімовіч