Тэст
(асабовыя займеннікі)
Казка
-- А я ведаю слова, у якім тры
галосныя трымаюць на сабе шэсць зычных, -- пахваліўся, вырашыў здзівіць ката
Паласаціка сабака Жучок.
-- Гэтае слова, думаю, складаецца з
трох складоў, -- выказаў здагадку Паласацік.
Жучок з павагай паглядзеў на суседа.
-- Так.
Паласацік далей разважае, стараецца
адгадаць загаданае Жучком слова:
-- У гэтым слове побач стаяць дзве
аднолькавыя літары.
"Наш Паласацік самы разумны кот
у вёсцы, як піць даць", -- падумаў Жучок і кіўнуў галавою.
-- У гэтым слове ёсць нескладовы
зычны гук [й]. Так?
-- Ты хутка адгадаеш гэтае слова! --
усклікнуў Жучок.
-- Я яго ўжо адгадаў. Яно абазначае
назву вядомай нам часціны мовы.
-- Якое гэта слова? Назавіце яго,
калі ласка.
-- Займеннік, -- назваў Жучок.
А
• Назавіце асабовыя займеннікі.
1. Яго.
2. Свой.
3. Ім.
4. Ён.
5. Нехта.
Б
• Укажыце правільнае сцвярджэнне.
Займеннікі першай асобы:
1) я, вы.
Займеннікі другой асобы:
2) ты, мы.
Займеннікі трэцяй асобы:
3) ён, яна, яно, яны.
В
• Укажыце
фразеалагізмы, у склад якіх уваходзіць асабовы займеннік.
1. Так яно і ёсць.
2. Бач ты яго.
3. Бачыць наскрозь.
4. Як не ў сябе.
5. Якім ветрам цябе занесла.
Адказы.
А-1, 3, 4.
Б-3.
В-1, 2, 5.
Каб падрыхтавацца
да тэмы “Асабовыя займеннікі”, вам трэба навучыцца даваць адказы на змешчаныя
ніжэй пытанні.
• На
што могуць указваць асабовыя займеннікі?
• Які
займеннік выкарыстоўваецца ў формах ветлівасці?
• Ці
маюць значэнне, прымету роду займеннікі я,
ты?
• Назавіце марфалагічныя
прыметы займеннікаў трэцяй асобы.
