Для цікаўных. Зіма-бабуля
Нагадаем! Эпітэт – гэта мастацкае азначэнне.
Ён звычайна адказвае на пытанне прыметніка: я
к і ? Напрыклад: брыльянцістая раса. Эпітэт брыльянцістая.
Эпітэтамі могуць быць
прыдаткі – азначэнні, выражаныя назоўнікамі. З азначаемым словам яны стаяць у
тым жа родзе, ліку і склоне. Напрыклад: дуб-велікан. Эпітэт велікан.
Пытанне задае Максім.
-- У спалучэнні зіма-бабуля выкарыстаны эпітэт бабуля,
які стварае малюнак зімы. Якой вы ўяўляеце гэту зіму?
Эксперт Іна.
-- Думаю, што гэта зіма наступіла не
сёння, яна стаіць даўно. Ужо прыгравае сонца, кліча вясну.
Эксперт Аляксей.
-- Гэта зіма добрая, лагодная. Да людзей
яна адносіцца, як да сваіх унукаў, асабліва не надакучае ім, не нясе холад,
мароз.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Прыбегла да стажка
Прыгожая казуля.
Сюды накіравала
Яе зіма-бабуля.
Аляксей Якімовіч.
Мароз-чараўнік
Пытанне задае Максім.
-- У спалучэнні мароз-чараўнік выкарыстаны эпітэт чараўнік, які паведамляе нам, што да нас прыйшоў мароз. Які ён?
Эксперт Іна.
-- Такі мароз мне даспадобы. Ён падобны
да мастака, які на вокнах размалёўвае разнастайныя ўзоры.
Эксперт Аляксей.
-- Лічу, што такога мароза трэба
асцерагацца. Збіраючыся ў дарогу, не забудзьцеся пра цёплыя рукавіцы, цёплую
шапку і цёплы кажушок. Інакш ён можа так зачараваць, замарозіўшы, што зуб на
зуб не трапіць.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Не сядзіцца ў хаце,
Хоць на дварэ мароз.
Іду я да сяброўкі,
Да Ніначкі Мароз.
Аляксей Якімовіч