Табе
хочацца стаць шчаслівым?
(Тэст
і іншае)
Выказванні
славутых людзей
Імкнуцца да шчасця.
Сенека,
старажытнарымскі філосаф і паэт.
Шчаслівыя тыя, хто
валодае.
Гарацый,
старажытнарымскі паэт.
Пакуль ты будзеш шчаслівы, у цябе будзе
шмат сяброў.
Авідзій, старажытнарымскі
паэт.
Шчаслівы
той, каго чужая бяда вучыць быць
асцярожным.
Вергілій, старажытнарымскі
паэт.
Мужны той, хто здолеў добрым і ў няшчасці
быць.
Марцыял, старажытнарымскі паэт.
Шчасце лягчэй
знайсці, чым захаваць.
Публілій Сір, старажытнарымскі паэт.
Кожны
сам знаходзіць сваё шчасце.
Ювенал, старажытнарымскі паэт.
Так, шкада таго, хто схаваць сваіх
няшчасцяў не можа.
Цецылій
Стацый, старажытнарымскі
камедыёграф.
Нікому
яшчэ сваё шчасце не здавалася
дастатковым.
Гарацый, старажытнарымскі паэт.
Ні ў кога не бывае пастаяннага шчасця.
Плаўт, старажытнарымскі
камедыёграф.
У
чым шчасце, як не ў сіле і не ў
цярпенні?
Публілій Сір, старажытнарымскі
паэт.
Парады
для тых, хто хоча стаць шчаслівым
1. Не зайздросць, пазбаўляйся ад зайздрасці.
2. Старайся больш чаму аддаваць той працы, якая табе падабаецца.
3. Калі праца не прыносіць аніякай радасці, пастарайся
змяніць яе.
4. Старайся больш думаць аб добрым, не накручвай сябе
кепскімі думкамі.
5. Хоць калі дапамагай тым, хто побач. Аказваючы такую
дапамогу, ты павышаеш сваю самапавагу і пазбаўляешся ад псіхафізіялагічных
стрэсаў.
6. Старайся зрабіць так, каб побач быў любімы чалавек,
той, каго ты паважаеш.
7. Не паддавайся адчаю, нават у цяжкую хвіліну старайся
быць на вышыні. Ведай: жыццё чалавека, як і жыццё навакольнага свету,
складаецца з дня і ночы, з белага і чорнага. Яны час ад часу змяняюцца.
8. Старайся пазнаць сябе, прааналізаваць свой характар,
каб ведаць, што прыносіць табе радасць. Імкніся да гэтага.
9. Пазбаўляйся ад кепскіх звычак, асабліва такіх, як
алкаголь і наркотыкі. Наркотыкі, як і злоўжыванне алкаголем, -- яма, якую ты
капаеш сам сабе.
10. Умей выбраць сабе сяброў, трымайся далей ад
нявыхаваных і схільных да кепскіх звычак.
11. Дапамагай тым, каго любіш. Гэта прынясе табе радасць.
12. Больш рухайся. Фізічная актыўнасць здароваму чалавеку
прыносіць задавальненне.
13. Не застывай, абнаўляйся, імкніся зрабіць сваё жыццё
больш разнастайным, знаходзь новыя станоўчыя захапленні.
14. Не ідзі ў тую кампанію, дзе ты можаш быць белай
варонай, чужым. Там з цябе могуць пасмяяцца ці паздзекавацца.
15. Пазбягай тых, хто цябе не цэніць, звысоку глядзіць на
цябе.
16. Выбірай тых, хто цябе цэніць і паважае.
17. Нават у самым неспрыяльным надвор’і старайся ўбачыць
нешта добрае, пазітыўнае.
18. Жыві па сваіх сродках.
19. Дабівайся пастаўленай мэты, законнымі сродкамі
матэрыяльна забяспечвай сваё жыццё.
20. Помні, што закон можа быць суровы, старайся не
парушаць яго.
21. Стварай вакол сябе, асабліва дома, парадак і
ўтульнасць.
22. Навучыся танцаваць. Добры танец ў многіх сітуацыях
можа стаць ключом да поспеху і патрэбнага кантакту.
Тэст
на праверку
Ты
аптымістычны ці песімістычны?
1. Адносіны да сваёй знешнасці:
а) мне зусім не падабаецца мая знешнасць;
б) хацеў бы мець лепшую знешнасць;
в) лічу, што выглядаю някепска.
2. Погляд на сваё
здароўе:
а) увесь час думаю пра сваё здароўе, непакоюся за яго;
б) часамі здароўе прыносіць нейкія клопаты;
в) лічу, што маё здароўе нармальнае.
3. Ацэньваю свой настрой:
а) многае з таго, што адбываецца навокал, увесь час
выклікае незадаволенасць, злосць;
б) часта дастаюць жыццёвыя клопаты;
в) мяне цяжка вывесці з раўнавагі.
4. Паразважаю аб тым, як прымаецца рашэнне:
а) заўжды стараюся не прымаць рашэнне самастойна;
б) часам адчуваю няўпэўненасць;
в) узважваю і прымаю не адкладваючы “на потым”.
5. Вывад пра апетыт:
а) часта скарджуся на адсутнасць апетыту;
б) у ежы пераборлівы, не ўсякая ежа падабаецца;
в) люблю паесці, але гэта не культ для мяне.
6. Ацэньваю сваю энергічнасць:
а) люблю перанапружвацца;
б) не за ўсякую справу магу ўзяцца, не хапае духу;
в) усё раблю роўна, без зрываў, новае не палохае.
7. Адносіны да жыцця:
а) на жыццё гляджу скептычна, да энтузіязму іншых
адношуся іранічна;
б) жыццём задаволены, але іншы раз нешта выклікае
незадаволенасць;
в) так, як цяпер, магу жыць заўжды.
8. Адносіны да сучаснага:
а) яно палохае;
б) прымушае задумацца, але не палохае;
в) веру ў сучаснае.
9. Адносіны да перамен:
а) перамены не стануць лепшыя;
б) магчыма, штосьці зменіцца ў жыцці да лепшага, але не
асабліва веру ў гэта.
в) веру ў лепшыя перамены.
Складзіце набраныя балы:
а) 2 балы;
б) 1 бал;
в) нуль балаў.
16 балаў і болей: табе не хапае аптымізму, свет для цябе
мае чорны колер, што ўплывае на здароўе і ўскладняе адносіны з блізкімі і
сябрамі.
8 -- 13 балаў: табе часта не хапае рашучасці і
ўпэўненасці ў сваіх сілах. Ідзі да людзей, не замыкайся толькі ў сабе.
7 балаў і менш: жыццялюбівы. Аптымізм дапамагае табе
пераносіць цяжкасці. Людзям лёгка з табою. Але будзь цвярозы ў сваіх ацэнках.
Празмерны аптымізм можа перашкодзіць прыняць правільнае рашэнне.
Аляксей
Якімовіч
Пра добры настрой
Казка са зборніка “Як Заяц і Воўк сябравалі ды навукі вывучалі”
Стаіць
Заяц каля хаты, бруском касу вострыць і весела напявае:
Касі, каса, блішчы, раса,
На сонцы ззяй, настрой стварай.
Падышоў
да яго Воўк і запытаўся:
--
Касу вострыш?
--
Вастру, як бачыш, – усміхнуўся Заяц.
--
Траву будзеш касіць?
--
У садку, даволі вялікая ўжо вырасла, -- адказаў Заяц і, зайшоўшы ў садок,
махнуў касою.
“Жых-жах,
жых-жах”, -- прамовіла вострая каса, пакінуўшы пасля сябе свежы пракос духмянай
травы.
“Лоўка
ў цябе выходзіць. Вось каб цяпер ты касу ў зямлю загнаў!” – у думках пажадаў
Зайцу Воўк, але не сказаў пра гэта, пацікавіўся:
--
Цяжка касіць?
--
А ты паспрабуй! – прапанаваў Заяц.
--
Не атрымаецца ў мяне! Не! – затрос лапамі Воўк.
--
А ў мяне атрымаецца! – сказаў Заяц і зноў весела заспяваў:
Касі, каса, блішчы, раса,
На сонцы ззяй, настрой стварай.
--
Вясёлы ты! -- адзначыў Воўк і цяжка
ўздыхнуў.
--
Што ёсць, то ёсць. Не сумую! – прызнаўся
Заяц.
--
Што ж табе дапамагае так весела жыць? Калі ласка, адкрый мне свой сакрэт, –
папрасіў Воўк.
--
Дапамагае прыказка “Хто працуе, той не сумуе”, -- сказаў Заяц і махнуў касою.
Пайшоў
Воўк з Зайцавага падворка, сеў на лаўку і стаў паўтараць: “Хто працуе, той не
сумуе… Хто працуе, той не сумуе… “.
Ішоў
па вуліцы Мядзведзь.
--
Чаму адно і тое ж паўтараеш, Воўча? – запытаўся.
--
Сабе настрой хачу падняць, -- адказаў Воўк.
--
Я таксама сабе настрой хачу падняць. З самай раніцы па вёсцы цягаюся, добры
настрой шукаю, -- паскардзіўся Мядзведзь.
--
Дык сядай побач, -- запрасіў Мядзведзя Воўк.
Мядзведзь
усеўся на лаўку і разам з Воўкам пачаў паўтараць:
--
Хто працуе, той не сумуе. Хто працуе, той не сумуе…
Чакаюць
сябрукі, калі з’явіцца ў іх добры настрой.
Але
так і не з’явіўся ён. Змрочныя пацягнуліся дамоў.
