Праверце сваю логіку і інтуіцыю. “Карп у футры”
Логіка
– уменне разважаць і рабіць вывады.
Сінонімы
да слова інтуіцыя: чуццё, прадбачлівасць,
здагадка.
У мінскім выдавецтве “Беларусь” выйшла мая кніга “Карп у
футры”, у якой змешчаны дэтэктыўныя апавяданні, вершы, прыпеўкі.
1. Урывак з
апавядання.
Барыс
забарабаніў пальцамі па лаўцы.
-
Марынка, мне хутка ехаць на вучобу. Праўду табе сказаць?
Марына
напялася, як сталёвая спружына.
-
Кажы. Горкая праўда лепей, чым салодкае махлярства.
- Марынка, наша каханне - гульня, спектакль. Твой бацька
мне грошы заплаціў. Каб я з табою сустракаўся. Ён даваў і на кветкі, і на
цукеркі, і на шампанскае... Твой бацька хацеў, каб я выцягнуў цябе з той
кампаніі, у якую ты трапіла. Марынка, зразумей...
Гэты ўрывак узяты з
апавядання:
а) “Бычок”;
б) “Бізнес”.
• З двух
варыянтаў выберыце патрэбны.
2. Урывак з
апавядання.
Дождж
ліў як з вядра. Бліскала маланка, раз-пораз, паўтараючыся, як рэха,
грымеў
гром. У агародчыку гнуліся ад ветру вішні і яблыні.
У доўгім, да самых пят, плашчы ён падышоў да хлява і
адчыніў дзверы. Яны працяжна зарыпелі. Ён сцяўся, прыслухоўваючыся. Дзесьці
зусім блізка бліснула маланка і грымнуў гром. Увагнуўшы галаву ў плечы, ён
таропка ўвайшоў у хлеў і ўключыў ліхтарык.
Гэты ўрывак узяты з
апавядання:
а) “Бычок”;
б) “Карп у футры”.
• З двух
варыянтаў выберыце патрэбны.
3. Урывак з
апавядання.
Час цягнуўся марудна. Сонца падымалася ўсё вышэй,
прыпякала ў патыліцу. Паплавок нерухома, як прыкуты, стаяў на вадзе. Сымон
раз-пораз пазіраў на сяброў. «Сёння не наш дзень. Сёння рыба не клюе», -
падумаў ён.
-
Я злавіў! - як гром з яснага неба, данёсся голас Валіка.
Да
яго, шырока ступаючы, пабег Мікола, а Сымон, прыўстаўшы, гукнуў:
-
Што злавіў?
Гэты ўрывак узяты з
апавядання:
а) “Помста”;
б) “Карп у футры”.
• З двух
варыянтаў выберыце патрэбны.
Адказы (выкарыстоўвайце толькі для кантролю; словы напісаны наадварот). 1.
Сензіб. 2. Кочыб. 3. Ыртуф у прак.
Якімовіч, А. М. Карп у футры :
апавяданні, вершы, прыпеўкі / Аляксей Якімовіч. – Мінск : Беларусь, 2021. – 167
с.
