Па
старонках старых газет
Дзёрзкія
ўцёкі арыштантаў
6 снежня са слонімскай турмы па чыгунцы адправілі 21
арыштанта. Па дарозе ў вагоне некаторыя з іх залезлі на полкі, быццам спаць, а
потым адтуль пачалі страляць з рэвальвераў у канвой. Двух канвойных забілі,
трох паранілі. Шэсць арыштантаў уцяклі праз вокны вагона.
Газета “Наша ніва” (Вільня), № 6,
14 (27) снежня 1906 года.
Нам
патрэбна навука да жыцця
З Слонімскага павету Гродзенскай губерні. Духавенства
паадкрывала тут многа царкоўна-прыходскіх школ. Згоды мужыкоў на гэта не
пыталіся, так як тыя не вераць у карысць царкоўна-прыходскіх школ ды не любяць
іх, дык школы гэтыя амаль пустуюць. Напрыклад, у вёсцы Сялявічы Міжэвіцкай
воласці два гады назад завялі царкоўна-прыходскую школу, але сяляне адмовіліся
пасылаць туды дзетак. “Нам, -- кажуць, -- патрэбна навука да жыцця, а не адна
навука маліцца”. Ходзіць у тую школу не больш як 5 – 10 хлапцоў.
Два разы свяшчэннік Парэцкай царквы прыязджаў у вёску
Паўловічы Кастровіцкай воласці, каб мужыкі падпісалі запыт аб адкрыцці ў іх
царкоўна-прыходскай школы, але людзі на гэта не пагадзіліся.
Газета “Наша ніва”, № 6,
14 (27) сакавіка 1908 года.