Вучымся быць юрыстамі
Праблемы
з медыцынскай даведкай
--
Вырашыў атрымаць у вышэйшай навучальнай установе прафесію, звязаную з працай на
камп’ютэры, але ўрач адмовілася пісаць у медыцынскай даведцы такую
рэкамендацыю, так як у мяне ёсць праблемы са зрокам. Я магу…
--
… раней пракансультавацца з урачом, ці падыходзіць мне па медыцынскіх
паказчыках выбраная прафесія.
Ювелірны выраб
--
Купіў ювелірны выраб. Ён нам не падышоў. Я не магу…
--
… вярнуць яго ў магазін альбо абмяняць, бо ювелірныя вырабы не абменьваюцца і
не вяртаюцца.
Парваўся шланг
--
Купіў пыласос, у якім неўзабаве парваўся шланг. Я магу…
--
… узяць даведку ў эксперта. Калі ён пацвердзіць, што парваны шланг – вытворчы
брак, то пыласос абмяняю альбо вярну ў магазін.
Парушылі дамову
--
Парушыўшы дамову, будаўнікі не да канца выканалі работу па рамонце ў кватэры. Я
магу…
--
… напісаць у іх фірму прэтэнзію альбо звярнуцца ў Таварыства абароны спажыўцоў,
каб юрысты дапамаглі скласці судовы іск з нагоды невыканання дамовы.
14 дзён
--
Сапсаваўся тэлефон, які знаходзіцца на гарантыі. Я магу патрабаваць…
--
… каб яго адрамантавалі на працягу 14 дзён.
З інструкцыяй на англійскай мове
--
Купіў тэлевізар з інструкцыяй на англійскай мове. Я магу…
--
… запатрабаваць, каб далі інфармацыю на
рускай альбо беларускай мове. У іншым выпадку магу скасаваць дамову на куплю
дадзенага тавару.
Не трымае зарад
--
Купіў мабільны тэлефон. Праз пяць месяцаў выявілася, што батарэя да яго не
трымае зарад. Я магу…
--
зрабіць экспертнае заключэнне, каб выявіць, ці сапраўды батарэя з вытворчым
недахопам, а потым звярнуцца з прэтэнзіяй да прадаўца.
Тавар з распродажу
--
Купіў няякасны тавар на распродажы. Я не магу…
--
.. яго вярнуць, так як тавар, набыты на рапродажы, у магазін не вяртаецца.
Знік інтэрнэт-магазін
--
Купіў няякасны тавар у інтэрнэт-магазіне, які раптам знік. Я магу…
--
… звярнуцца ў міліцыю з просьбай знайсці гаспадара зніклага магазіна.
Нагавіцы змянілі колер
--
Купіў нагавіцы. Калі праз некалькі дзён вырашыў іх памыць, то яны змянілі колер
і памер. Я магу…
--
звярнуцца да экспертаў, каб зрабілі адпаведнае заключэнне, з якім потым
звярнуся да прадаўца.
Спісваюцца грошы
--
З рахунку майго мабільнага тэлефона сталі хутка спісвацца грошы, бо нейкім
чынам (магчыма, выпадкова) падключыўся на дадатковы сэрвіс. Я магу…
--
… адключыць гэты сэрвіс альбо звярнуцца з падобнай просьбай да аператара
мабільнай сувязі.
Паказчыкі аналізаў
--
Для паступлення ў вышэйшую навучальную ўстанову ўрач адмовілася выдаваць мне
медыцынскую даведку, так як у мяне не адпавядаюць норме некаторыя медыцынскія
аналізы. Я магу…
--
… раней праверыць, ці адпавядаюць норме мае медыцынскія паказчыкі.
Адзін і той жа дэфект
--
… у набытай тэхніцы за кароткі час праявіўся адзін і той жа дэфект. Я магу…
--
замяніць тавар альбо вярнуць грошы, так як гэта ўказвае на яго істотны недахоп.
Дамова на фільтр
--
Падпісаў дамову і набыў у крэдыт фільтр вады, які яшчэ не ўстанавіў. Я магу…
--
… заявіць прэтэнзію і скасаваць крэдытную дамову, так як зразумеў, што гэты
фільтр мне не патрэбен.
Абанемент на футбол
--
Бацька купіў мне абанемент на футбол. Я магу…
--
… вярнуць абанемент прадаўцу, так як у сілу розных прычын не магу наведваць
футбольныя матчы.
Ноўтбук у растэрміноўку
--
У растэрміноўку купіў ноўтбук, які праз месяц зламаўся. Я магу…
--
… напісаць у магазін заяву аб адмове ад рамонту ноўтбука з патрабаваннем
замяніць яго на новы. Пакупка ў растэрміноўку значэння не мае.
Зламаўся
--
зламаўся мабільны тэлефон, які яшчэ на гарантыі. Я магу…
--
… бясплатна адрамантаваць яго ў спецыялізаваным сэрвісным цэнтры.
Табурэткі з драпінамі
--
Кур’ер даставіў з магазіна табурэткі. Праз дзень заўважыў, што яны з драпінамі.
Я магу…
--
… заявіць у магазін прэтэнзію па якасці.
Не вяртаюць
--
Каля двух месяцаў не вяртаюць ноўтбук з гарантыйнай майстэрні, не могуць
адрамантаваць, спасылаючыся на тое, што нейкія запчасткі чакаюць. Я магу…
--
… звярнуцца з прэтэзіяй у той магазін, дзе набыў ноўтбук. Вам павінны вярнуць
грошы.
Не задавальняе якасць
--
Не задавальняе якасць апарата па вымярэнні ціску. Я магу…
--
… аддаць яго на экспертызу. Калі ў апарата будуць вытворчыя недахопы, то маю
права вярнуць яго ў магазін.
Сапсаваная каўбаса
--
Купіў сапсаваную каўбасу. Відаць, пратэрмінаваную. Я магу…
--
… аддаць каўбасу прадаўцу з патрабаваннем вярнуць за яе грошы. За
пратэрмінаваны тавар прадугледжаны вялікія штрафы.
Атласы па геаграфіі
--
Мне купілі два аднолькавыя атласы па геаграфіі. Я магу…
--
… на працягу 14 дзён адзін з іх здаць у магазін.
Праблема з крэдытам
--
… набыў у крэдыт тэлевізар, але, так сталася, не магу выплачваць яго. Я магу…
--
… вярнуць тэлевізар у магазін толькі пасля выплаты крэдыту.
Праз дзве гадзіны
-- У магазіне набыў
завадную цацку, якая праз дзве гадзіны зламалася. Я магу…
-- … звярнуцца з
адпаведнымі дакументамі ў магазін і запатрабаваць, каб вярнулі грошы.
Шчыльна не зачыняюцца
--
Паставіў шклопакет, але акно шчыльна не зачыняецца. Я магу…
--
… з дапамогай эксперта высветліць, хто вінаваты ў гэтым выпадку. Калі вінавата
фірма, заяўлю прэтэнзію на ліквідацыю недахопаў альбо скасую заключаную дамову
з кампенсацыяй матэрыяльнага і маральнага ўрону.
Некалькі спецыяльнасцей
--
Паступаючы ў вышэйшую навучальную ўстанову, я магу…
--
… у заяве на імя рэктара напісаць некальні спецыяльнасцей, падрыхтоўка да якіх
ідзе на адным і тым жа факультэце, першымі ўказваючы прыярытэтныя, больш важныя
для мяне (такое дапускаецца ў многіх вышэйшых навучальных установах).
Кепскай якасці
--
Купіў губную памаду кепскай якасці. Я не магу…
--
вярнуць яе ў магазін, так як сродкі асабістай гігіены абмену і вяртанню не
падлягаюць.
Паслуга па вывазе смецця
--
Навязваюць паслугу па вывазе смецця. Я магу…
--
… не заключаць дамову з арганізацыяй на вываз смецця, пісьмова абгрунтаваўшы
сваю адмову.
Канапа без дэталяў
--
Заказаў канапу, але ў час яе зборкі высветліў, што не хапае некаторых дэталяў.
Я магу…
--
звярнуцца ў фірму і папрасіць, каб прывезлі неабходныя дэталі. Калі фірма
адмовіцца гэта рабіць, заяўлю прэтэнзію на некамплект дэталяў.
Жорсткая падушка
--
Купіў падушку. Праз дзень адчуў, што яна жорсткая.. Я магу…
--
… дадзены тавар вярнуць у магазін на працягу 14 дзён.
Не вырашыў
--
У дасудовым парадку не вырашыў канфліктную сітуацыю з прадаўцом. Я магу…
--
… звярнуцца да юрыста за парадай альбо ў суд.
Кепска адрамантавалі
-- Пасля рамонту
пыласоса ў сэрвісным цэнтры праз тыдзень ён зноў стаў кепска працаваць. Я магу…
-- … запатрабаваць,
каб аднавілі працаздольнасць пыласоса.
Настойліва прапаноўвае
--
Калі нейкая абслугоўваючая арганізацыя настойліва прапаноўвае заключыць
дагавор, я магу…
--
… папрасіць для вывучэння на працягу
некалькіх дзён Праект дагавора. Толькі тады вырашу, заключаць яго на
прапанаваных умовах ці не заключаць.
Банкаўскай карткай
--
У магазіне хацеў разлічыцца банкаўскай карткай, але мне заявілі, што апарат для
разліку карткай не працуе. Я магу…
--
… напісаць скаргу. У гэтым выпадку на магазін будуць накладзены санкцыі, бо
згодна з правіламі гандлю пакупнікі аабслугоўваюцца як за наяўны разлік, так і
па банкаўскай картцы.
Іншы памер
--
З інтэрнэт-магазіна прыслалі нагавіцы не таго памеру, што заказваў. Я магу…
…
-- вярнуць тавар у інтэрнэт-магазін на працягу 14 дзён.
Купіў ноўтбук
--
Купіў ноўтбук, які неўзабаве стаў кепска працаваць. У магазіне прапанавалі
гарантыйны рамонт. Я магу…
--
… напісаць у магазін заяву аб адмове ад рамонту і запатрабаваць скасавання
дамовы аб куплі-продажы. У дадзеным выпадку магазін павінен вярнуць грошы.
Жонка набыла фільтр
…
Фірма прапанавала набыць фільтр вады. Жонка пагадзілася, падпісала дамову на
набыццё ў крэдыт фільтра. Яго пакуль не ўстанавілі. Я магу…
--
… заявіць прэтэнзію і скасаваць крэдытную дамову.
Змяшчаем рэкламу
--
Сайт некамерцыйнай арганізацыі змяшчае рэкламу. Я магу…
--
… пацікавіцца, ці трэба ў гэтым выпадку плаціць падаткі?
--
Трэба. Падатковы кодэкс не дапускае такога выключэння.
Не спадабаліся нагавіцы
--
Набыў нагавіцы. Высветлілася, што яны кепска прашытыя. Чэк захаваўся. Я магу…
--
… вярнуць нагавіцы ў магазін. Калі там адмовяцца прымаць тавар, напішу
пісьмовую прэтэнзію.
Не абменьваюцца
--
Набыў некалькі ўпаковак таблетак, але яны мне не спатрэбіліся. Цяпер я не магу…
--
… вярнуць таблеткі ў аптэку, так як лекі не вяртаюцца і не абменьваюцца.
Экспертыза тавару
--
Вырашыў павесці экспертызу купленага мною тавару. Я магу…
--
… прысутнічаць пры экспертызе, так як пры правядзенні экспертызы запрашаюцца
ўсе ўдзельнікі канфлікту. Акт тэхнічнай экспертызы аплачвае спажывец.
Своеасаблівая дамова
--
Прадавец не хоча даваць чэк за аказаную і аплачаную мною паслугу. Я магу…
--
… запатрабаваць, каб прадавец даў чэк. Ён заўсёды павінен яго выдаваць. Чэк –
своеасаблівая дамова паміж прадаўцом і спажыўцом.
Праблема з планшэтам
--
У гарантыйнай майстэрні ніяк не могуць адрамантаваць планшэт. Я магу…
--
… звярнуцца з прэтэнзіяй у магазін, каб вярнулі грошы.
Купіў дачцэ
--
Купіў дачцэ гадзіннік, але ён ёй не спадабаўся. Я магу…
--
… вярнуць гадзіннік у магазін і атрымаць за яго грошы.
Кантактныя лінзы
--
Не падышлі набытыя ў аптэцы кантактныя лінзы. Я не магу…
--
… вярнуць лінзы ў аптэку, так як кантактныя лінзы не вяртаюцца і не
абменьваюцца.
Кофтачка дачцэ
--
Купіў дачцэ кофтачку, але не спадабалася якасць тканіны. Кофтачка быццам
памятая. Я магу…
--
… на працягу 14 дзён з моманту пакупкі вярнуць кофтачку ў магазін.
Зацесныя красоўкі
--
Купіў зацесныя красоўкі. Я магу…
--
… на працягу 14 дзён вярнуць красоўкі прадаўцу.
Кепска працуе
--
Купіў тэлефон, які праз месяц стаў кепска працаваць. Я магу…
--
… звярнуцца ў гарантыйную сэрвісную майстэрню. Тэлефон можна замяніць, калі
дэфект праявіцца паўторна.
Рабіў рамонт
--
Рабіў кватэры рамонт і зняў батарэі. Папярэдзіў аб гэтым сантэхніка, а ён без
майго ведама ўключыў у нашай кватэры ацяпленне. У выніку моцна заліло суседа
знізу. Ён патрабуе кампенсацыі за нанесеную шкоду. Сантэхнік адмаўляецца яе пакрываць,
заявіўшы, што я павінен быў прадугледзець заглушкі. Я магу…
--
… выклікаць камісію, скласці акт і прад’явіць прэтэнзіі да той арганізацыі, у
якой працуе сантэхнік.
Боцікі без інфармацыі
--
Купіў боцікі, але на ўпакоўцы не дадзена поўная інфармацыя пра іх: які памер, з
якога матэрыялу зроблены і т. д. Я магу…
--
… вярнуць боцікі ў магазін, так як спажывец мае права на атрыманне поўнай
інфармацыі пра тавар.
Без пячаткі
--
З інтэрнэт-магазіна кур’ер прывёз тавар без пячаткі ў гарантыйным талоне. Я
магу…
--
… не купляць яго, бо потым, калі праявіцца ў ім дэфект, будзе цяжка вярнуць яго
назад.
Праблемы з замком
--
Паставілі новыя ўваходныя дзверы, але ключ у замку трэба паварочваць з
намаганнем. Я магу…
…
-- запатрабаваць, каб на працягу гарантыйнага тэрміна фірма замяніла замок.
Адышла падэшва
--
Праз два месяцы пасля пакупкі адышла падэшва чаравіка. Я магу…
--
… запатрабаваць у прадаўца ліквідаваць дэфект.
Адмовіцца ад фільтра
--
Набыў у крэдыт фільтр вады, падпісаў дамову. Яго яшчэ не ўстанавілі. Дачка
параіла адмовіцца ад фільтра. Я магу…
--
… заявіць прэтэнзію і скасаваць крэдытную дамову.
З заменніка скуры
--
Высветлілася, што смярдзіць куртка, пашытая з заменніка скуры. Я магу…
--
… на працягу 7 дзён з дня пакупкі запатрабаваць вярнуць грошы альбо замяніць
тавар.
На рамонт канапы
--
Заключыў дамову з фірмай на рамонт канапы. Прадстаўнікі фірмы рамонт у
вызначаны тэрмін не могуць выканаць. Я магу…
--
… у судовым парадку запатрабаваць кампенсацыю маральнага ўрону, калі фірма не
жадае ці не можа вырашыць гэтую
сітуацыю.
Не спадабалася касметыка
--
Купіла касметыку без упакоўкі. Яна мне не спадабалася. Я магу…
--
… выкінуць яе на сметнік. Касметыка адносіцца да той групы тавараў, якія не
вяртаюцца.
Майка ў магазіне “сэканд-хэнд”
--
Вырашыў вярнуць майку, набытую ў магазіне “сэканд-хэнд”. Я не магу
--
.. гэта зрабіць, так як такі тавар нельга вярнуць альбо абмяняць.
На гарантыі
--
Па маёй віне зламаўся тэлефон, які яшчэ на гарантыі. Я магу…
--
… звярнуцца ў спецыялізаваны сэрвісны цэнтр з просьбай адрамантаваць тэлефон.
Рамонт за два тыдні
--
У дамове напісана, што фірма павіна зрабіць рамонт у кватэры за два тыдні, але
з гэтай работай яна не спраўляецца. Я магу…
--
… у судовым парадку запатрабаваць кампенсацыю маральнага ўрону, калі фірма не
захоча зменшыць кошт работ.
Захоўвайце чэк
--
Пасля рамонту ў кватэры засталася нявыкарыстаная плітка. Я магу…
--
… вярнуць плітку ў магазін, калі яна ва ўпакоўцы, а ў вас застаўся чэк з
магазіна.
У хімчыстцы
--
Здаў у хімчыстку нагавіцы, але мне не вяртаюць іх у вызначаны тэрмін. Я магу…
--
… запатрабаваць ад хімчысткі кампенсацыю. Яна нясе адказнасць за парушэнне
тэрмінаў выканання абавязкаў па дамове.
Праз інтэрнэт-магазін
--
Праз інтэрнэт-магазін набыў камп’ютэр, які неўзабаве сапсаваўся. Тэлефон
прадаўца інтэрнэт-магазіна не адказвае. Я магу…
--
… звярнуцца ў праваахоўныя органы за дапамогай.
Цеснаватая сумка
--
Купіў сумка для ноўтбука, але яна аказалася цеснаватая. Я магу…
--
… на працягу двух тыдняў вярнуць сумку ў магазін.
Цесныя джынсы
-- Купіў джынсы.
Дома зразумеў, што яны мне ціснуць. Я магу…
-- … вярнуць джынсы
прадаўцу на працягу 14 дзён.
Шкло на экран
--
Шкло на экран тэлефона я магу…
--
… вярнуць у магазін на працягу 14 дзён з дня пакупкі.
Незнарок
--
у магазіне незнарок зачапіў плячом і разбіў бутэльку з півам. Я магу…
--
…. папрасіць прабачэння ў прадаўцоў і пайсці дамоў. Пры нестандартных сітуацыях
фінансавыя выдаткі ляжаць на адміністрацыі магазіна.
Зламалася печка
--
Зламалася мікрахвалевая печка, тэрмін гарантыі якой ужо закончыўся. Я магу…
--
… аддаць печку на рамонт. У дакументах, якія прыкладваюцца да тавару,
павінны быць адрасы рамонтных
майстэрняў.
Устанавіла дамафон
--
У маім доме фірма ўстанавіла дамафон і патрабуе, каб заключыў з ёю дамову. Я
магу…
--
… адмовіцца заключаць дамову. Калі дамафон сапсуецца, буду рамантаваць яго за
свае грошы.
Усё рамантую
--
Купіў тэлевізар. Яго гарантыя – два гады. Ужо тры разы рамантаваў. Зноў кепска
працуе. Я магу…
--
… напісаць заяву ў магазін, што адмаўляюся ад далейшых рамонтаў. Мне павінны
замяніць тэлевізар альбо вярнуць грошы.
Напісаць прэтэнзію
--
За кепска аказаную паслугу я магу…
--
… напісаць прэтэнзію.
Чайнік з бракам
--
Купіў чайнік. Потым заўважыў, што ён з вытворчым бракам. Я магу…
--
… напісаць прэтэнзію. Такі чайнік прадаўцы павінны адправіць у сэрвісны цэнтр
для ліквідацыі вытворчага браку.
Не задавальняе якасць
--
Праз інтэрнэт купіў тавар са зніжкай. Яго якасць мяне не задавальняе. Я магу…
…
-- выставіць фірме прэтэнзіі.
Кватэра не спатрэбілася
--
З рыэлтарам заключыў дамову аб пошуку кватэры, заплаціў яму аванс. Так сталася,
што кватэра мне не спатрэбілася. Я магу…
--
… скасаваць складзеную дамову і вярнуць аванс.
Непрыемны пах
--
Купіў падушку, якая непрыемна пахне. Я магу…
--
… напісаць прэтэнзію і вярнуць падушку ў магазін.
Падрапанае шкло
--
Паставілі ў акно шклопакет. Толькі на другі дзень заўважыў, што шкло
падрапанае. Я магу…
--
… запатрабаваць ад фірмы, каб замянілі шкло на якаснае.
Не тая інструкцыя
--
Купіў электрапрыбор, які праз некалькі дзён згарэў. Інструкцыя да яго была на
нямецкай мове. Я магу…
--
… напісаць прадаўцу пісьмову прэтэнзію. Згодна з пастановай Савета міністраў
інструкцыі да імпартных тавараў павінны быць перакладзены на даступную мову.
Жорсткая падушка
--
Купіў падушку. Праз некалькі дзён заўважыў, што яна вельмі жорсткая. Я магу…
--
… вярнуць прадаўцу падушку на працягу 14 дзён.
Сфатагравацца ў гульневай установе
--
Захацелася сфатаграфавацца ў гульневай установе. Я магу…
--
… сфатаграфавацца ў гульневай установе толькі з дазволу арганізатара азартных
гульняў.
Няякасная мультыварка
--
Купіў няякасную мультыварку. Я магу…
--
…звярнуцца ў сэрвісны цэнтр і зрабіць акт тэхнічнага абследавання мультываркі на
прадмет істотнага недахопу. Пасля гэтага ў прадаўца можаце патрабаваць, каб
абмянялі тавар альбо вярнулі грошы.
Няякасны ноўтбук
--
Купіў няякасны ноўтбук. Я магу…
--
… узяць у сэрвісным цэнтры экспернае заключэнне і запатрабаваць вярнуць грошы
за няякасны ноўтбук.
Знікаюць з рахунку
--
З рахунку майго мабільнага тэлефона сталі знікаць грошы. Высветліў, што
падключаны да дадатковага сэрвісу (магчыма, сам выпадкова націснуў не на тую
кнопку). Я магу…
--
… папрасіць у аператара, каб адключылі непатрэбны дадтковы сэрвіс.
Праблемны ўнітаз
--
Купіў унітаз, які, як высветлілася, не падышоў у туалет па сваіх параметрах. Я
магу…
--
… вярнуць унітаз прадаўцу і купіць іншы.
Шкло на экран
--
Купіў тэлефон раза са шклом на экран. У тэлефоне вытворчы недахоп. Я магу…
--
… тэлефон вярнуць у магазін, а шкло на экран мог вярнуць на працягу 14 дзён з
дня пакупкі.
Ложак без дэталі
--
Купіў ложак, у якім, як праведаў пазней, не хапае адной дэталі. Я магу…
--
… заявіць прэтэнзію ў магазін. На працягу 7 дзён ён абавязаны ліквідаваць
праблему.