Праверце сваю логіку і інтуіцыю. “Белакрылая птушка -3”
Логіка
– уменне разважаць і рабіць вывады.
Сінонімы
да слова “інтуіцыя”: чуццё,
прадбачлівасць, здагадка.
У мінскім выдавецтве “Беларусь” выйшла мая кніга
“Белакрылая птушка”, у якой змешчаны дзве аповесці і вершы.
1. Урывак з
фантастычна-дэтэктыўнай аповесці “Жывое
Дрэва”.
Крэкчуць,
капаюць бандыты, па пояс у яму залезлі.
--
Дакапаліся! -- з палёгкаю прамовіў Саўка. -- Паднімай, Мішка!
Мішка
кінуў рыдлёўку на пясок і папрасіў:
--
Дай дыхнуць, браток!
-- Хочаш, каб з Васілевічаў людзі прысунуліся? --
незадаволена прамовіў Саўка.
--
Закапаем, калі прысунуцца! -- хіхікнуў Мішка.
--
Максім, мне страшна! -- прызналася Юля.
--
Дамоў бяжы.
--
Аднаго не пакіну!
Мішка дастаў з ямы і паклаў на пясок вялікі пакунак,
загорнуты ў поліэтыленавую плёнку.
-- Страшна! -- паўтарыла Юля.
Мужчыны вылезлі з
ямы. Саўка ўкленчыў і разгарнуў плёнку. У плёнцы ляжалі два пісталеты і
аўтамат. Мішка схапіў пісталет і засунуў за пояс. Потым узяў аўтамат і
застракатаў, наставіўшы яго перад сабою: "Тра-та-та-та-та...
Тра-та-та-та-та..."
Гэты ўрывак узяты з
раздзела:
а)
“Як спыніць бандытаў?”;
б) “Страх”.
• З двух варыянтаў выберыце
патрэбны.
2. Урывак з
фантастычна-дэтэктыўнай аповесці “Жывое
Дрэва”.
--
Максімка!.. -- раптам крыкнула Юля, зноў перапыніўшы думкі.
Максім азірнуўся і ўбачыў: сядзіць Юля ў балотнай гразі,
дыхае часта-часта.
-- Нагу сударгай звяло! Максімка!..
Юля заплакала. Па брудных, заляпаных граззю шчоках пацяклі
слёзы.
Максім узяў дзяўчынку за руку і дапамог ёй устаць.
-- Бярыся за шыю, на спіне панясу.
Юля кіўнула галавою і абедзвюма рукамі абхапіла Максіма за
шыю.
-- Скажаш, калі будзе цяжка, Максімка!
Максім пайшоў праз балота. Хутка будзе гаёк, за якім
стаіць хата бабулі Аксені.
Гэты ўрывак узяты з
раздзела:
а)
“Хутчэй, хутчэй…”;
б) “І певень Грышка дапамагае”.
3. Урывак з
фантастычна-дэтэктыўнай аповесці “Жывое
Дрэва”.
-- Мама, -- з парога крыкнула Ганулька, -- Юлька кажа, што
на хутары ў бабулі Аксені бандыты!
Цётка Ніна наставіла перад сабою прас, як бы затуляючыся
ім ад нябачных грабежнікаў.
-- Праўду кажаш, Юлька?
Юля склала рукі, як перад малітвай.
-- Цётка Ніна, патэлефануйце ў міліцыю!..
-- Зараз, зараз... -- цётка Ніна паставіла на стол прас і
ўзяла тэлефонную трубку. -- Зараз!.. А які нумар міліцыі?..
-- Адзін-нуль-два, -- падказала Ганулька.
Цётка Ніна набрала нумар "адзін-нуль-два".
"Піп-піп-піп", -- данесліся з трубкі кароткія гудкі.
-- Занятыя! -- вінавата прагаварыла цётка Ніна.
Гэты ўрывак узяты з
раздзела:
а)
“Праз акно”;
б) “Званок у міліцыю”.
Адказы (выкарыстоўвайце толькі для кантролю; словы напісаны наадварот). 1.
Хартс. 2. Йэчтух, йэчтух. 3. Юыцілім у конавз.
Якімовіч, А. М. Белакрылая
птушка : аповесці, вершы / Аляксей Якімовіч. – Мінск : Беларусь, 2021. – 199
с.
