Аляксей Якімовіч
Верш «У
бярозавым гаёчку»
(дадзены ў скарачэнні)
У бярозавым гаёчку
Танцы
пачаліся.
Камары-дудары
За дудачкі ўзяліся.
Стараюцца
камары,
Шчокі раздзімаюць.
Драўляныя дудачкі
Весела іграюць.
Пчолка залатая
Крыльцамі махае,
Ганарлівага жука
Ў кола запрашае.
Зялёненькі конік
У скокі пусціўся.
Музыку пачуўшы,
Тут ён прызямліўся.
Рыжаваты муравей
З
мурашкаю танцуе.
Ён стараецца, заўжды
З музыкай сябруе.
Прыгажуня-страказа
Ляціць, як маланка.
Дазваляе страказе
Шырокая палянка.
Божыя кароўкі
Кружацца заўзята.
Для іх танцы на палянцы
Сапраўднае свята.
Цалкам верш надрукаваны ў
кнізе “Белакрылая птушка” (аповесці, вершы), якая ў лютым 2022 года выйшла ў
выдавецтве “Беларусь”.