Марфалагічная
гульня “Назоўнік з пазычаных складоў”
З пазычаных
складоў.
1. Прачытайце словы. Вазьміце па аднаму складу з кожнага
і ўтварыце адушаўлёны назоўнік.
Напалохаць, адстаў, чараўнік.
Помніце! Адушаўлёныя назоўнікі абазначаюць людзей, жывёл, птушак, рыб,
насякомых, мікробаў і інш. і адказваюць на пытанне х т о? Да адушаўлёных
назоўнікаў адносяцца і назвы казачных істот.
Адушаўлёныя назоўнікі ў форме множнага ліку і мужчынскага
роду ў форме адзіночнага ліку ў В. склоне маюць такія ж формы, як у Р: кармушкі для вераб’ёў (Р. скл.) -- кармілі вераб’ёў (В. скл.); дрэсіроўка
дэльфіна (Р. скл.) -- дрэсіравалі пінгвіна (В. скл.).
З пазычаных
складоў.
2. Прачытайце словы. Вазьміце па аднаму складу з кожнага
і ўтварыце ўласны назоўнік.
Паехаў, пакунак,
сала.
Помніце! Уласныя назоўнікі – гэта імёны і прозвішчы людзей, клічкі жывёл, назвы
гарадоў, вёсак, рэк, фабрык, часопісаў, твораў і інш.
У якасці ўласных назваў могуць выступаць і словазлучэнні:
Белавежская пушча.
З пазычаных
складоў.
3. Прачытайце словы. Вазьміце па аднаму складу з кожнага
і ўтварыце назоўнік агульнага роду.
Выціраць, хобат, нядаўна.
Помніце! Асобную групу складаюць назоўнікі, род якіх вызначаецца ў залежнасці
ад полу асобы: плакса – ён плакса (м.
р.), яна плакса (ж. р.). Гэта назоўнікі агульнага роду.
З пазычаных
складоў.
4. Прачытайце словы. Вазьміце па аднаму складу з кожнага
і ўтварыце зборны назоўнік.
Вясенні, насыпаць, некалі.
Помніце! Назоўнікі, якія абазначаюць сукупнасць аднародных прадметаў ці асоб як
адно цэлае, называюцца зборнымі: галлё,
моладзь.
З пазычаных
складоў.
5. Прачытайце словы. Вазьміце па аднаму складу з кожнага
і ўтварыце назоўнік, які ўжываецца толькі ў форме множнага ліку.
Агарод, купіць, каляровы, рыба.
З пазычаных
складоў.
6. Прачытайце словы. Вазьміце па аднаму складу з кожнага
і ўтварыце назоўнік, які ўжываецца толькі ў форме адзіночнага ліку.
Лагер, малюнак, кола.
З пазычаных
складоў.
7. Прачытайце словы. Вазьміце па аднаму складу з кожнага
і ўтварыце рознаскланяльны назоўнік.
Цягаць, паляна.
Помніце! Да рознаскланяльных адносяцца назоўнікі на –мя (імя, племя, стрэмя) і
назоўнікі, якія абазначаюць назвы маладых істот (ягня, ягнё).
З пазычаных
складоў.
8. Прачытайце словы. Вазьміце па аднаму складу з кожнага
і ўтварыце назоўнік 1-га скланення.
Цана, прадаць.
Помніце! Да 1-га скланення адносяцца назоўнікі жаночага роду з канчаткамі –а,
-я
ў назоўным склоне: сястр-а.
З пазычаных
складоў.
9. Прачытайце словы. Вазьміце па аднаму складу з кожнага
і ўтварыце назоўнік 2-га скланення.
Родны, напісаць.
Помніце! Да 2-га скланення адносяцца назоўнікі мужчынскага роду з нулявым
канчаткам у назоўным склоне і назоўнікі ніякага роду з канчаткамі –о,
-ё, -е, -а: дом, сэрц-а.
З пазычаных
складоў.
10. Прачытайце словы. Вазьміце па аднаму складу з кожнага
і ўтварыце назоўнік 3-га скланення.
Прывязь, высушыць.
Помніце! Да 3-га скланення адносяцца назоўнікі жаночага роду з нулявым
канчаткам у назоўным склоне: маладосць.
Для кантролю
(назоўнікі тут запісаны не ў тым парадку, які дадзены вышэй). Выкарыстоўвайце
толькі, каб праверыць сябе.
Купалаакулярынасенненастаўнікпрацаціхоняцялясувязьмалаконарод
Тут
патрэбныя назоўнікі напісаны наадварот
1. Кінўатсан. 2. Алапук. 3. Янохіц. 4. Еннесан. 5.
Ырялука. 6. Окалам. 7. Яляц. 8. Ацарп. 9. Доран. 10. Ьзявус.
Склаў Аляксей Якімовіч
