Тэст
(займеннік як часціна мовы)
Казка
Сябры-суседзі сабака Жучок і коцік
Паласацік сядзелі ў хаце. На дварэ ішоў дождж. Буйныя кроплі дружна барабанілі па шыбе.
Л’ецца дожджык залаты
Каля хаты на платы, --
гледзячы ў акно, прамовіў Паласацік.
-- А ў гэтым вершы ёсць слова, у якім
схавалася іншае слова, -- заўважыў Жучок.
-- Слова ў слове? -- засумняваўся
Паласацік.
-- У слове "залаты" схавалася слова "ты", --
хуценька назваў патрэбнае слова Жучок.
-- Сапраўды! – са здзіўленнем
прагаварыў Паласацік, а потым дадаў: -- І ў слове "хаты" схавалася
слова "ты". Ты -- гэта займеннік.
-- Давай падбіраць словы, у якіх
схаваліся займеннікі, -- прапанаваў Жучок.
-- Давай! -- пагадзіўся Паласацік і
адразу ж назваў такое слова: -- Мыш!
-- Выраз, -- назваў сваё слова Жучок.
-- Тын, -- сказаў Паласацік.
-- Такога слова няма! -- запярэчыў
Жучок.
-- Гэта такі плот. Праз яго нялёгка
пераскочыць, -- прагаварыў Паласацік і падскочыў на падлозе, успомніўшы, як яму
прыйшлося аднаго разу скакаць цераз тын, уцякаючы ад раз'юшанага пеўня.
-- А я... Я ведаю слова, у якім схаваліся чатыры
займеннікі! -- заявіў Жучок.
Паласацік усміхнуўся, не паверыў
Жучку. А дарма. Сабачка сказаў чыстую праўду. Ёсць такое слова.
Падказка да яго:
-- Якія павінны быць рукі перад ядою?
(Вы-мы-ты-я.)
А
• Назавіце сказы з займеннікамі.
1. У школу прыйшоў
яе выпускнік.
2. Наша школа
вельмі прыгожая.
3. Мы любім урокі
беларускай мовы.
4. Вучні каля школы
пасадзілі дрэўцы.
5. Я сам рыхтуюся
да ўрокаў.
Б
• Назавіце сказы з займеннікамі, ужытымі ў давальным склоне.
1. Разам з ім мы збіралі грыбы і
ягады.
2. Нас сустрэла наша настаўніца.
3. Яму ўручылі ўручылі ганаровую
грамату.
4. Мой сябар жыве непадалёку ад мяне.
5. Майму сябру дванаццаць гадоў.
Адказы.
А-1, 2, 3, 5.
Б-3, 5.
Каб падрыхтавацца
да тэмы “Займеннік як часціна мовы”, вам трэба навучыцца даваць адказы на
змешчаныя ніжэй пытанні.
• Чым займеннік адрозніваецца ад іншых самастойных часцін
мовы?
• Для чаго ўжываецца займеннік у мове?
• У ролі якіх членаў сказа могуць выступаць займеннікі?
