Кансультацыя па беларускай мове (некаторыя
асаблівасці)
Запомніце! Лісце, бярвенне,
пер'е -- гэтыя зборныя назоўнікі
(абазначаюць мноства як адно цэлае) маюць толькі форму адзіночнага ліку.
Запомніце! Каромысел.
У беларускай мове гэты назоўнік мужчынскага роду. (Параўн. рус.: коромысло.)
Запомніце! Спалучэнні з прыназоўнікам праз у беларускай мове выражаюць прычынныя адносіны.
Праз цябе,
дзявоцкая краса, слёзы коцяцца, як буйная раса (Максім Багдановіч).
Прыназоўнік
праз ужываецца таксама ў спалучэннях
“пранікаць праз”, “прабівацца праз”, “праходзіць праз”.
Праз
густыя вершаліны елак ледзь прабівалася святло.
Запомніце! Пры вызначэнні прасторы, адлегласці ад аднаго
прадмета да другога ужываюцца спалучэнні з прыназоўнікам за.
Напрыклад: жыву за пяць кіламетраў ад горада.
Параўнайце. У беларускай мове: кіламетры за чатыры, крокаў
за дзесяць. У рускай мове: километрах в четырёх, шагах в десяти.
Запомніце! Займацца,
карыстаюся. Зваротныя формы
дзеясловаў маюць постфіксы -ся, -ца, -цца:
абысціся, здагадаліся, здагадаецеся,
прывітацца, здарыцца. Постфікс -сь
характэрны для рускай мовы. (Параўнайце рус.: обойтись, догадались, пользуюсь, поздороваться.)
