Лексічныя
заданні на літару “Б” “Правер сябе”
• Падбярыце
словы так, каб яны адпавядалі ўказаным лексічным значэнням.
Тлумачыцца
значэнне слоў, якія трэба падабраць
1. 1) Затрымлівацца
дзе-небудзь даўжэй, чым трэба. 2) Праводзіць час у гульнях, забавах; цешыцца,
забаўляцца.
2. 1) Гразкае
балота, дрыгва. 2) Застой, адсутнасць дзейнасці, ініцыятывы.
3. Поўны сіл,
энергіі, дзейнасці.
4. Раней: возчык
грузаў.
5. Круглая нізкая
пасудзіна з клёпак для мыцця бялізны.
6. Шырокая
грунтавая дарога.
7. Узвышаны ўчастак
лесу ў сасновым бары.
8. Канаўка,
зробленая на паверхні глебы плугам.
9. Цёмна-чырвоны.
10. Прыбытак,
выгада ад якой-небудзь гандлёвай здзелкі. 2) Частаванне з выпіўкай пры
куплі-продажы.
11. Даўней:
перасоўны лялечны тэатр у Беларусі.
12. 1) Дрэнны,
дурны. 2) Нездаровы, хваравіты.
13. Светла-сіні,
колеру яснага чыстага неба.
14. Маланка.
15. У мясцовых
гаворках: металічныя званочкі, бразготкі
16. Цячы,
пераліваючыся па няроўным дне (пра ручай, крыніцу).
17. Пакрывацца
плесняй (пра вадкасці).
18. Будка з галля
ці саломы.
19. Пра масць
коней: светла-жоўты з чорным хвастом і чорнай грывай.
20. Цвёрдая
празрыстая смала жоўтага колеру; янтар.
Словы,
якія падбіраем да ўказаных тлумачэнняў
Будан, бомы, благі, барыш, баравіна, балея, багна,
бардовы, блакітны, бальшак, бавіцца, бурштын, броснець, бадзёры, баразна,
батлейка, бруіцца, буланы, балагол, бліскавіца.
Для даведкі
(выкарыстоўвайце толькі для кантролю, каб праверыць сябе).
17 -- броснець. 14 -- бліскавіца. 11 – батлейка. 7 –
баравіна. 3 – бадзёры. 1 – бавіцца. 4 – балагол. 8 – баразна. 12 – благі. 20 –
бурштын. 18 – будан. 10 – барыш. 16 – бруіцца. 13 – блакітны. 5 – балея. 2 –
багна. 6 – бальшак. 9 – бардовы. 15 – бомы. 19 – буланы.
[1, стар.
49 -- 64, “Тлумачальны слоўнік”]
Спіс
выкарыстанай літаратуры
1. Баханькоў,
А. Я. Тлумачальны слоўнік беларускай мовы: для сярэдняй школы / А. Я.
Баханькоў, І. М. Гайдукевіч, П. П. Шуба. – 2-е выд., перапрац. і дап. -- Мінск : Нар. асвета, 1972. – 376 с.
