Вершаваныя народныя прыказкі
і прымаўкі
(радзіма, калектыў, сяброўства)
У вершаванай форме склаў Аляксей Якімовіч
Згода будуе,
Нязгода руйнуе.
Дурная птушка
Гнязда не шануе.
Танцуй – не танцуй,
А грошы аддай.
Старога сябра
На новага не мяняй.
З адной кветкі
Вянка не спляцеш.
Адным калом
Плот не падапрэш.
Добрая слава збірае,
Дрэнная – разганяе.
Дудар дудару
Дарма грае.
З міру па нітцы –
Голаму кашуля.
Подласць блізкага
Страшней за кулю.
Нага нагу падпірае,
Рука руку абмывае.
З малой іскры
Вялікі агонь бывае.
Ідзі ў родны край,
Там і пад елкай рай.
Новых сяброў набывай,
А старых не забывай [1, с. 79 --
95],
[2, с. 11 -- 19].
Выкарыстаная літаратура
1.
Беларускія прыказкі, прымаўкі, фразеалагізмы
/ склаў Ф. Янкоўскі. – 2-е выд., дап. -- Мінск : Выд-ва АН БССР, 1962. –
556 с.
2.
Беларускія прыказкі, прымаўкі і загадкі / склад. Яўген Рапановіч. Выд. другое,
перапрац. і дап. – Мінск : Выш. шк.,
1974. – 384 с.
