Выбіраем патрэбнае. Радзіма.
Радзіма – гэта…
1) тая краіна, дзе ты нарадзіўся;
2) тое месца, дзе ты нарадзіўся;
3) тая краіна, у якой ты цяпер жывеш;
4) тая краіна, якая шануе і развівае беларускую
мову -- мову карэнных жыхароў Беларусі;
5) тая краіна, якая стварае твой
дабрабыт, дазваляе табе жыць бязбедна, багата;
6) тая мясціна, дзе жывуць твае сябры;
в) тая краіна, якая дала табе належную
адукацыю, паставіла цябе на ногі;
г) тая краіна, у якой захоўваюцца і
берагуцца твае правы;
д) тая краіна, у якой ты можаш
рэалізаваць свае магчымасці;
е) тая краіна, у якой нарадзіліся твае
бацькі;
ё) тая краіна, у якой жывуць твае
бацькі;
ж) тая краіна, якая захоўвае культурнае
багацце тваіх продкаў;
з) тая краіна, якая захоўвае культурнае
багацце карэнных жыхароў;
і) тая краіна, якая захоўвае культурнае
багацце ўсіх нацыянальнасцей, якія жывуць тут.
Цікавыя выказванні славутых людзей
Там добра, дзе радзіма (Сенека – рымскі
філосаф і паэт; каля 4 да н. э. – 65 н. э.).
Толькі адна айчына заключае ў сабе тое,
што дарагое ўсім (Цыцэрон -- рымскі аратар, філосаф і дзяржаўны дзеяч; 106 – 43
да н. э.).
На першым месцы павінны быць радзіма і
бацькі, потым дзеці і ўся сям’я, а затым (іншыя) сваякі (Цыцэрон).
Народныя прыказкі і прымаўкі
Благая тая птушка, што свайго гнязда не
пільнуецца.
Кожнаму свой куток мілы.
Няма смачнейшай вадзіцы, як з роднай
крыніцы.
• Падбярыце сінонімы (блізкія па значэнні словы) да слова “благая”.
[1, стар. 79 -- 81]
• У цябе, наш чытач, ёсць іншая думка? Якая яна?
• Падбярыце сінонім да слоў “радзіма”, “айчына”.
Падказка: першая частка гэтага слова –
бацька.
Падказка з прапушчанымі літарамі: благая
– к..п..к..я, д..э..н.. а.. .
Выкарыстаная літаратура
1. Беларускія прыказкі, прымаўкі, фразеалагізмы / склаў Ф. Янкоўскі. – 2-е выд., дап. --
Мінск : Выд-ва АН БССР, 1962. – 556 с.
