Водгукі чытачоў на маю кнігу “Белакрылая птушка”
Якімовіч, А. М. Белакрылая птушка
: аповесці, вершы.
Кніга выдадзена ў выдавецтве “Беларусь”. Для шырокага
кола чытачоў.
Яе можна заказаць у аддзеле
маркетынга выдавецтва.
Звярнуўся да наведвальнікаў блога з просьбай выказаць
свае меркаванні пра маю кнігу “Белакрылая птушка”. Вось якія водгукі яны мне
прыслалі.
Ганначка.
-- Даведалася, што на першай вокладцы кнігі змешчаны
партрэт маці аўтара. Гэта заінтрыгавала. Вырашыла прачытаць. Спадабалася.
Валянцін.
-- У кнізе дзве
аповесці. “Белакрылая птушка” расказвае пра наша жыццё, а другая аповесць –
“Жывое Дрэва” – фантастычна-дэтэктыўная. У розных жанрах працуе аўтар.
Вадзім.
-- У аповесці “Жывое Дрэва” аўтар паказвае, як падлеткі
абараняюць сваё, даўняе, што мы называем гісторыяй свайго краю. Драматызм тут
часта спалучаецца з гумарам. Мне падабаецца.
Надзея.
-- Галоўная
гераіня аповесці “Белакрылая птушка” -- дзяўчынка Галя. Няпростае выпрабаванне
выпала на яе долю. Канешне, гэта ўвесь час трымала мяне ў напружанасці. Што
вынесла для сябе? Не трэба давярацца выпадковым людзям.
Людміла.
-- Кнігу адкрывае верш “Успамін”. Аўтар успамінае рдную
вёску і сваіх землякоў. Разам з ім сваю вёсачку ўспамінала і я. Напісана на
высокім прафесійным узроўні, з цеплынёй.
Андрэй.
-- Чытаў аповесць “Белакрылая птушка” і амаль увесь час
думаў, як дапамагчы дзяўчынцы Галі. Шчырая і добрая яна, сапраўдная Белакрылая
птушка.
Мікалай.
-- Вершы ў кнізе розныя па свайму зместу, але іх
аб’ядноўвае адно: чытаюцца цікава. Адразу відаць, што аўтар пісаў ад душы.
Творчае
заданне
Перад вамі – назвы некаторых раздзелаў з кнігі
“Белакрылая птушка”. Падбярыце да іх словы, якія рыфмуюцца з гэтымі назвамі.
Калі назва складаецца з двух альбо трох слоў, падбірайце рыфмаванае слова да
апошняга, паставіўшы яго ў назоўным склоне. Напамінаю: назоўны склон адказвае
на пытанні х т о? ш т о?
1. Спецыяльныя практыкаванні.
2. Розныя думкі.
3. Нечаканы званок у дзверы.
4. Званок у міліцыю.
5. Пацярпелы.
6. Разам у кватэры.
7. У кватэры небяспечна.
Адказы (выкарыстоўвайце толькі для кантролю; напісаны ў адваротным парадку і
не супадаюць з размяшчэннем назваў раздзелаў): ырелавак, арелапш, іннатівзар, яыцілаак, ікмус, ылемс, анчев.
Птушка белакрылая –
Сімвал прыгажосці –
Прылятай да нас хутчэй,
Запрашаем ў госці.
Аляксей Якімовіч
