Лексічнае
заданне “Правер сябе”. Абцас
Заданне 1.
• Выкарыстаўшы
даведку, падбярыце словы так, каб яны адпавядалі ўказаным лексічным значэнням.
1. Цвёрдая набойка на падэшве абутку пад пятой; каблук.
2. Перапынак у працы для адпачынку.
3. Час перад заходам сонца.
4. Які існуе з самага пачатку; даўні, спрадвечны.
5. 1) Не такі, як усе іншыя; асаблівы, незвычайны. 2)
Прызначаны для пэўнай мэты, спецыяльны.
6. Будынак для кармоў і гаспадарчых прылад; пуня.
7. Вусны або пісьмовы зварот да мас [1, стар. 12, 16, 17,
18, 19, “Тлумачальны слоўнік”].
Для даведкі. Абцас, адмысловы, адвячорак, аддуха, адвечны, адрына, адозва.
Заданне 2.
• Устаўце
патрэбныя словы.
Расцвітае неба.
Шмат на небе … .
Запрасіў іх у госці
Летні … .
Аляксей Якімовіч
Заданне 3.
• У якім
значэнні ўжываецца слова “расцвітае”?
Адказ да задання
1: (выкарыстоўвайце толькі для кантролю): 1 – абцас, 5 – адмысловы, 3 – адвячорак, 2 –
аддуха, 4 – адвечны, 6 – адрына, 7 – адозва.
Адказ да задання
2: (выкарыстоўвайце толькі для кантролю; словы
напісаны наадварот): кароз; карочявда.
Адказ да задання
3: (выкарыстоўвайце толькі для кантролю; словы
напісаны наадварот): мынсонареп у.
Спіс выкарыстанай літаратуры
1. Баханькоў,
А. Я. Тлумачальны слоўнік беларускай мовы: для сярэдняй школы / А. Я.
Баханькоў, І. М. Гайдукевіч, П. П. Шуба. – 2-е выд., перапрац. і дап. -- Мінск : Нар. асвета, 1972. – 376 с.
