Мае адносіны да старых

СТАРАСЦЬ, СТАРАСЦЬ…

Сярэдняя працягласць жыцця ў гадах у некаторых  краінах свету

(з дадзеных Сусветнага банка, на 2019 год)

Японія – 84.

Аўстралія – 83.

Іспанія – 83.

Італія – 83.

Канада – 82.

Паўднёвая Карэя – 82.

Францыя – 82.

Швецыя – 82.

Бельгія – 81.

Вялікабрытанія – 81.

Германія – 81.

Чылі – 80.

ЗША – 79.

Чэхія – 78.

Аргенціна – 77.

Мексіка—77.

Польша – 77.

Бразілія – 76.

Венгрыя – 76.

Кітай – 76.

Турцыя – 76.

Малайзія – 75.

Перу – 75.

Румынія – 75.

Саудаўская Аравія – 75.

Сербія – 75.

Калумбія – 74.

Расія – 72.

Індыя – 69.

Паўднёвая Афрыка – 63.

Прыказкі і прымаўкі аб старасці

Быў  конь, ды з’ездзіўся.

Век звекаваць – усяго пабачыць.

Век пражыў, як салёны грыб праглынуў.

Гады ідуць, як вада плыве.

Дай, Божа, старым вочы, а маладым розум.

Дзе стары куст, там двор не пуст.

Для старой бабы і на печы ўхабы.

За старой галавой і жыць зацішней.

За старой галавой, як за пнём.

З маладосці гарцаваў, а пад старасць жабраваў.

І сабака на старасці не брэша.

І ў старой печы агонь добра гарыць.

Кожны ўзрост сваім шчасцем жыве.

Косці старыя, але душа маладая.

На старасці і ўлетку холадна.

Ногі нахадзіліся, рукі нарабіліся, вочы наглядзеліся.

Пражыў жыццё, а ўспомніць няма чаго.

Пытае старасць, што прыгатавала маладосць.

Сівізна ў бараду, а чорт у рабрыну.

Сівы, але маю кавалак сілы.

Сівы, як яблыня, а чырвоны, як бурак.

Скрыпучае дрэва доўга жыве.

Старасць – не радасць, а смерць – не вяселле.

Старасць --  не радасць, доўг – не карысць.

Старасць слабая на ногі, моцная на розум.

Старая і ў пятроўку на печцы мерзне.

Старое латай не латай, а дзірка на дзірцы.

Стары гаворыць – гародзіць, ды на праўду выходзіць.

Стары, але думкі маладыя.

Стары кот, а мяса любіць.

Стары, што малы.

Старым такая рэч: пад’еў ды на печ.

У дзеда адна бяседа: дзе быў, з кім піў, хто каго біў.

Хто з маладосці працуе, той на старасці не шкадуе.

Цара Гароха помніць.

Шануй старое, як дзіця малое.

Як малое падае, то анёл з пярынкаю, а як старое, то чорт з бараною.

Славутыя людзі аб старасці

Старыя – двойчы дзеці. (Ювенал.)

Целам – стары, душою – хлапец. (Ювенал.)

Лічылася грахом, які караўся смерцю, калі хлапец не ўставаў перад старэйшым. (Ювенал.)

Эх, старасць! Не пералічу, колькі зла ў табе:

                                Хопіць і таго, што бачыш многае,

                                Чаго і зусім бачыць не хацелася б.

                                                                     (Цэцылій Стацый.)

Маладому – рыхтаваць, старому – ужываць. (Авідзій.)

Вялікая была калісьці павага да старой галавы, і маршчыны былі ў сваёй цане. (Авідзій.)

Лепей плакаць у дзяцінстве, чым у старасці. (Ювенал.)

Ніхто з нас не бывае ў старасці такім, якім быў у юнацтве; ніхто не бывае раніцай такім, якім быў напярэдадні. (Ювенал.)

Непрыкметна падкрадваецца старасць. (Ювенал.)

Спачатку мы развітваемся з дзяцінствам, а потым – з маладосцю. (Сенека.)

Калясніцы мае пранясліся. (Цыцэрон.)

Старасць моцная дзякуючы асновам, закладзеным у маладосці. (Цыцэрон.)

Усе хочуць дажыць да старасці, а калі дажывуць, скардзяцца на яе. (Цыцэрон.)

Старшым перавага. (Авідзій.)

Мы непрыкметна старымся. (Авідзій.)

Авідзій – 43 да н. э. – каля 18 н. э. – рымскі паэт.

Сенека – каля 4 да н. э. – 65 н. э., рымскі філосаф і паэт.

Цыцэрон – 106 – 43 да н. э., рымскі аратар, філосаф і дзяржаўны дзеяч.

Цэцылій Стацый – 3 – 2 ст. ст. да н. э., рымскі камедыёграф.

Ювенал – каля 60 – 127, рымскі паэт-сатырык.

Праверце, як Вы адносіцеся да старых

Анкета “Якія яны, старыя?”

1. Добрыя (так – 1 бал, не – 0 балаў).

2. Працавітыя (так – 1 бал, не – 0 балаў).

3. Злосныя (так – 0 балаў, не – 1 бал).

4. Прыгожыя (так – 1 бал, не – 0 балаў).

5. Шчодрыя (так – 1 бал, не – 0 балаў).

6. Ветлівыя (так – 1 бал, не – 0 балаў).

7. Лянівыя (так – 0 балаў, не – 1 бал).

8. Выхаваныя (так – 1 бал, не – 0 балаў).

9. Нявыхаваныя (так – 0 балаў, не – 1 бал).

10. Таварыскія, гаваркія (так – 1 бал, не – 0 балаў).

11. Маўклівыя, надзьмутыя (так – 0 балаў, не – 1 бал).

12. Ганарлівыя, высакамерныя (так – 0 балаў, не – 1 бал).

13. Сціплыя (так – 1 бал, не – 0 балаў).

14. Эгаістычныя (так – 0 балаў, не – 1 бал).

15. Ім патрэбна падтрымка маладых (так – 1 бал, не – 0 балаў).

16. Яны ў першую чаргу павінны думаць пра дзяцей і ўнукаў (так – 0 балаў, не – 1 бал).

17. Яны ствараюць вялікія чэргі ў паліклініках (так – 0 балаў, не – 1 бал).

18. Дзяржава траціць шмат грошай на пенсіянераў (так – 0 балаў, не – 1 бал).

19. Старому заўжды ўступлю месца ў аўтобусе (так – 1 бал, не – 0 балаў).

20. Старога заўжды першага прапушчу ў дзверы (так – 1 бал, не – 0 балаў).

21. Шкадую адзінокіх старых (так – 1 бал, не 0 балаў).

22. Мне цяжка зразумець старога (так – 0 балаў, не – 1 бал).

23. Без старых людзей жыццё грамадства было б няпоўнае (так – 1 бал, не – 0 балаў).

Ад 15 да 22 ачкоў: Вы  вельмі паважаеце старых, жадаеце ім толькі дабра, у цяжкую хвіліну здольны іх падтрымаць.

Ад 3 да 14 ачкоў: Вы неабыякава ставіцеся да старых, жадаеце ім дабра, можаце іх  падтрымаць, хоць гэта для Вас будзе не вельмі прыемна.

Менш 3 ачкоў: Вы абыякавыя да старых, Вы думаеце пра іншае.

Анкету склаў Аляксей Якімовіч.
 
З братам Аляксандрам. Я справа.