Сінонімы са словам кінуць
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішацца слова: кінуць.
•
Да якой часціны мовы адносіцца слова кінуць?
Д л я д а в е д к і: адказвае на пытанне ш т о з р а б і ц ь?
•
Сінонімы да слова кінуць
(адно слова тут “лішняе”).
Бразнуць, шпульнуць,
шпурнуць, узяць, шпурлянуць.
•
Якія з гэтых слоў, як вы лічыце, а) аднолькавыя па
значэнні; б) блізкія па значэнні?
Эксперт Змітрок.
-- Сінонімы шпульнуць, шпурнуць, як мне здаецца,
аднолькавыя па значэнні. Яны паказваюць, што нехта кінуў далёка, праявіўшы
пэўныя эмоцыі, магчыма, звязаныя, з нейкім незадаволеннем.
Эксперт Алеся.
-- Сінонімы шпульнуць, шпурлянуць складаюць групу
блізкіх па значэнні слоў. Яны паказваюць на тое, што шпурлянуць мае большую ступень якасці, магчыма, нехта кінуў штосьці
найдалей, выказаўшы найбольшыя эмоцыі.
Эксперт Міхась.
-- Словы кінуць, бразнуць блізкія па значэнні. Кінуць можна і ўдалечыню, а бразнуць – непадалёку, сабе пад ногі.
•
А як лічыце Вы, нашы шаноўныя чытачы?
•
Прачытайце. Выберыце з дужак патрэбны сінонім.
1. Сымон (бразнуў,
шпурлянуў) талерку на падлогу. 2. “Ён
узяў і (кінуў, шпурнуў) маю шапку”, -- з крыўдаю прамовіў Сымон. 3. Наш
спартсмен далёка (кінуў, бразнуў) молат.
•
Ці з’яўляюцца сінонімамі словы кінуць і пусціць? Як вы
лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта ўолсяезд;
“лішняе” слова ьцязу (не з’яўляецца
сінонімам); 1 – ўунзарб, 2 – ўунрупш, 3 -- ўунік; аццюялўя’з.
Распрацаваў Аляксей Якімовіч
